Unaza e Madhe, IKMT nis aksionin për shembjen e 16 shtëpive

Inspektorati Kombëtar i Mbrojtjes së Territorit, IKMT, ka nisur në Shkozë aksionin për shembjen e 16 shtëpive në kuadër të projektit për Unazën e Madhe.

IKMT përmes rrjetit social Facebook informon se sot do të shemben 16 objekte me madhësi të ndryshme, ndërkohë që ka nisur puna për hedhjen përtokë të ndërtesave të piketuara, siç duket edhe në video.

“Nisim sot një aksion të ri në Shkozë, në kuadër të projektit për ndërtimin e Unazës së Madhe, loti dy. Do të prishim 16 objekte me madhësi të ndryshme,” thekson IKMT përmes njoftimit.