Unaza e Re/ Banorët bllokojnë rrugën me flakë dhe tym…

Protesta e banorëve te Unaza e Re që preken nga projekti Unaza e Madhe sot ka bllokuar rrugët me flakë dhe tym që u krijuan me djegien e gomave.

Ashtu si edhe ditëve të tjera të protestës edhe sot ajo u mbështet nga Partia Demokratike  ndërsa deputeti Klevis Balliu përsëriti pse duhet të anulohet ky projekt korruptiv:

“Kryeministri të kërkojë ndjesë qytetarë. Të shikoj për një projekt që nuk prishen shtëpitë e qytetarëve. Nëse Kryeministri do vijojë me kokëfortësi, kjo do të jetë përgjigja që do marrë.”

Me këtë rast, Balliu përsëriti arsyet ose duhet të ikë një orë e më parë kryeministri Edi Rama:

“Largimi i Edi Ramës është kthyer në interes kombëtar, ndaj unë sot do u kërkoja të gjithëve  që të shikojnë se ky është një projekt korruptiv, dhe se deputet të maxhorancës janë kërcënuar nga bandat në pushtet, prandaj duhet që të të largojmë Edi Ramën dhe të shkojë aty ku e ka vendin në burg.”

Ndryshe, kjo është dita e 60-të e protestës së banorëve te Unaza e Re, të cilët deri më tani kanë kërkuar dëmshpërblimin e shtëpive të tyre që do të të shemben ndërkohë tani kërkojnë anulimin e këtij projekti korruptiv.