Unaza e Re, banorët paralajmërojnë protesta si në Francë. Ja si do të veprojnë…

Banorët tek Unaza e Re që preken nga projekti i Unazës së Madhe kanë njoftuar se pasditen e sotme, në ora 17:00, do të dalin sërish në protestë për të bllokuar rrugën, në vijim të kërkesës së tyre për dëmshpërblim të plotë për banesat që do të shemben, duke paralajmëruar një risi në këto protesta

Ata kanë deklaruar se sot do të dalin në protestë të veshur me jelekë fosforishent, duke marrë shembull nga protestat e organizuara në Francë kundër rritjes së çmimit të naftës.

“Lajmerim! Sot ne oren 17:00 me date 3 Dhjetor, kemi protesten e radhes tek hotel Rolandi. Te gjithe do te veshim jelek fosforishent si Francezet por ngjyre portokalli mundesisht! Mos harroni pjesmarrje maksimale! Sa me te shumte ne numer, aq me e lehte fitorja! Jeleku do te na japi potence me teper!”, është ky njoftimi i banorëve.