Unaza e Re godet/ “Shqiponja” – simboli i qeverisjes Berisha-Basha, sot është “Gërmadhë” – simbol i qeverisjes Rama-Lali Eri…

Partia Demokratike i është bashkuar protestës së banorëve kundër shembjes arbitrare të 317 godinave  banimi dhe bizneseve në Unazëne Re, por askush nuk u kujdes për “Shqiponjën”, e vendosur në Sheshin me po këtë emër që është dhe simboli i vetëm i 100 vjetorit të Pavarësisë, me të cilin shqiptarët kudo që janë e përdorën deri sot edhe si pikë orientimi për lëvizjen në kyeqytet.

“Shqiponja” e cila ishte edhe simbol i Sali Berishës dhe Lulzim Bashës sot është gërmadhë e Edi Ramës dhe Erion Veliajt, e zyrtarisht thuhet se është pjesë e projektit të Unazës së Madhe.

“Shqiponja”, ishte vepër e artistit Albi Çifligu, e derdhur në çelik të rëndë, me lartësi 10 metra (shqiponja, 6 metra e lartë dhe me bazament katër metra), me kontributin financiar të familjes tetovare. Ajo u vendos me rastin e 100 vjetorit të Pavarësisë në një ceremoni të organizuar nga kryeministri Berisha dhe kryetari i Bashkisë, Lulzim Basha, në nëntorin e vitit 2012.

“Shqiponja” simboli i Sheshit i cili deri më sot mbante këtë emër, sot është simbol i qeverisjes Rama-Lali Eri, i cili edhe sikur ti qëndron arsyetimit se është pjesë e projektit të Unazës së Re që do të bashkohet me mbikalimin tek Pallati me Shigjeta, për të ardhur deri tek ky Shesh, në rastin më të mirë do ti duhet jo më pak se dy vjet. Pse e bëri këtë Edi Rama dhe Lali Eri mund ta gjykoni vetë, zgjedhjet vendore po vijnë…