Unaza e Re/ Opozita bojkoton Këshillin Bashkiak të Tiranës, i bashkohen protestës…
Nesër Këshilltarët opozitarë do të bojkotojnë mbledhjen e Këshillit Bashkiak të Tiranës dhe do ti bashkohen protestës së banorëve të Unazës së Re.
Sot në mbledhjen e përbashkët që u organizua nga opozita u vendos:
“Si akt proteste ndaj sjelljes së paprecedentë të kryetarit të Bashkisë Tiranë, fyerjeve raciste, sjelljes denigruese dhe
përçarëse ndaj banorëve dhe qytetarëve të Tiranës, të refuzoje
pjesëmarrjen në mbledhjen e nesërme të Këshillit Bashkiak Tirane, dhe ti bashkohet protestës së banoreve të Tiranës, në mbështetje të kërkesave të tyre të ligjshme, të drejtës së jetës, banesës dhe dinjitetit njerëzor”.
Për këtë arsye:
“Opozita zgjedhë të jetë në krah të qytetareve përballe kësaj klike të korruptuar e te shthurur, që vetëm në sajë të votave të blera nga mafia dhe grupet e trafiqeve të drogës sundon vendin dhe Tiranën,” thekson Opozita e bashkuar.
Ndryshe, prej disa ditësh, banorët e Unazër së Re protestojnë kundër shembjes së 317 shtëpive dhe bizneseve të tyre, siç parashikon plani për ndërtimin e “Unazës së Madhe”.
