Unaza e Re/ Pas dëshmisë tronditëse të 17-vjeçarit, policia e Gjeneralit procedon Lulzim Bashën…

Pas dëshmisë tronditëse të 17-vjeçarit, Paolo Ahmetcenaj, në krah të kryetarit të Partisë Demokratike, Lulzim Basha, ka reaguar menjëherë Policia e Tiranës.

Jo duke proceduar shkelësit të ligjit ndaj një minorit por duke proceduar penalisht kryetarin e PD, Lulzim Basha. Dhe jo vetëm kaq! Policia procedoi edhe deputetë  e opozitës që morën pjesë në protestën e banorëve tek Unaza e Re në datën 23 nëntor.

Mësohet se përveç kreut të PD janë proceduar penalisht, deputetët e PD, Ervin Salianji e Klevis Balliu.

Sipas policisë së Gjenerla LLeshajt, ndaj të proceduarave rëndon akuza për tre vepra penale, organizim dhe pjesëmarrje në grumbullime të paligjshme, prishje e qetësisë publike dhe pengim i qarkullimit të mjeteve.

“Më datë 23.11.2018, u referuan materialet në Prokurorinë pranë Gjykatës së Shkallës së Parë Tiranë, për shtetasit L. B., E. S., K. B., F. N., E. A., G. P., A. B., L. P., Sh. S., G. S., E. F., B. Gj., M. F., L. K., B. Gj., vjeç 44, 30, 29, 46, 45, 55, 44, 51, 45, 49, 36, 51, 61, 51 e 32, banues në Tiranë për veprat penale të parashikuar nga nenet 262, 274 e 293 të Kodit Penal.”- thuhet në njoftimin e policisë.