Unaza e Re/ Protesta, Balliu: Të hënën, të bashkohemi me studentët…
Protesta te Unaza e Re e banorëve që preken nga projekti Unaza e Madhe ka vazhduar me kërkesat për anulimin e projektit korruptiv i cili tashmë është faktuar nga Partia Demokratike ndërkohë protestuesit përveç bllokimit kanë bërë thirrje edhe kundër kryeministrit Edi Rama nga i cili kanë kërkuar edhe të largohet.
Ndërsa deputeti i PD, Klevis Balliu pjesëmarrës i regullt në këtë protestë nga dita e saj e parë, bëri thirrje që protestuesit ti bashkohen protestës së studentëve e cila është paralajmëruar për të hënën më 7 Janar:
“Edi Rama është e keqja, shporreni të keqen,” tha deputeti i PD, Klevis Balliu i cili sërish kërkoi nga kryeprokurorja Arta Marku që të zbardhë skandalin me tenderin e kësaj rruge, i cili në një lot u fitua edhe nga një kompani që kishte falsifikuar dokumente:
“Prokurorja Marku duhet të vërë para drejtësisë Ramën, Gjiknurin dhe Qendron, nës nuk i ve ti para drejtësisë ata, do të të vënë shqiptarët para drejtësisë ty. Po qëndruat do të fitoni edhe ju edhe studentët. Ju ftoj të bashkoheni me protestën e studentëve ditën e hënë që të luftoni kancerin e Shqipërisë që është Edi Rama” Banorët te Unaza e Re përsëritën edhe në ditën e 63-të të protestës se nuk do të ndalojnë së protestuari deri në anulimin e këtij projekti, projekt të cilin ata i kanë të bërë të qartë kryeministrit Edi Rama se nuk do të lejojnë që të zbatohet.
