Unaza e Re/ Protesta, banorët: Edi Rama, do të tërheqim zvarrë…

Banorët te Unaza e Re që protestojnë kundër projektit Unaza e Madhe duke kërkuar tashmë edhe anulimin e projektit, i kanë bërë të qartë sot kryeministrit Edi Rama se ka ardhur koha për ta tërhequr zvarrë në Bulevard, siç tërhoqën Enver Hoxhën.

“A e patë sot me studentët dhe kur një vajzë i doli kundër dhe e përzuri nga salla. Kush është ky kryeministër që përzë nga salla, ku e gjen të drejtën ti. Ka ardhur ora për të tërhequr zvarrë në bulevard, siç tërhoqëm Enver Hoxhën.”

Duke i kujtuar se është dita e 76 që protestojnë, ata e sfiduan kryeministrin që të vijë të zbatoj projektin po ja mbajti:

“Edi Rama, erdhi ora ik nga Shqipëria. Tani do të japim litarë të varësh veten. ashtu do fshihesh edhe ti te bunkeri i Surrelit. Do vijë dita do të tërheqim zvarrë Edi Rama. Ke 76 ditë që na ke shkatërruar jetën. Unaza e bashkuar ka për të fituar. Edi Rama kriminel. Na është bërë Shqipëria magazinë hashashi. Hajde po ta mbajti hunjtë i kemi gati.”

Sidoqoftë, banorët te Unaza e Re theksuan se do ta tërheqin zvarrë kryeministrin Edi Rama sepse e ka mbushur Shqipërinë me korrupsion:

“Unë kisha vetëm diçka për t’i thënë kryeministrit, ne prapë do të tërheqim zvarrë, se e ke mbushur Shqipërinë me korrupsion. Poshtë projekti”, u shpreh një nga banorët. Edhe sot në ditën e 76-të të protestës, banorët kanë bllokuar rrugën kryesore, ndërsa me thirrje  dhe pankarta në duar vazhduan të kërkojnë anulimin e projektit dhe largimin e kryeministrit Edi Rama.