Unaza e Re/ Protesta, banorët përplasen me inxhinierët e ARRSH, ndërhyn policia…

Sot tek Unaza e Re dita ka nisur me tensione mes banorëve dhe një grupi pune nga ARRSH, Bashkia e Tiranës dhe ALUIZNI.

ARRSH bën me dije se “inxhinierët e ARRSH po shkojne në ato objekte banorët e të cilëve kanë depozituar pranë këtij institucioni dokumentacionin e pronësisë dhe kanë kërkuar të vazhdohet me verifikimet dhe procedurën e shpronësimit”.

Por, ata janë penguar nga banorët e zonës, të cilët i kanë dëbuar:

“Gjate punes ne terren banore te tjere te zones, qe nuk kane lidhje me objektet te cilat po verifikohen, kane penguar me dhune inxhinieret ne ushtrimin e detyres. Ata kane dhunuar edhe mjediset private te banoreve me dokumentacion pronesie te cilet kane qene te pranishem dhe te gatshem per verifikimin e baneses ne funksion te shpronesimit. Ky grup banorësh lëviz në segmente të ndryshme të unazës duke penguar inxhinierët në kryerjen e detyrës, pavarësisht se nuk kanë lidhje me objektet të cilat po verifikon ARRSH”- njofton ARRSH.

Ndërkohë, inxhinierët e ARRSH po vazhdojnë procesin e verifikimit në terren të shoqëruar edhe nga punonjësit e Policisë së Shtetit.