Unaza e Re/ Protesta, Basha: Edi Rama t’i bëjë hesapet mirë! Ju garantoj…

Opozita dhe kreu i saj Lulzim Basha kanë vazhduar sot në protestë ti qëndrojnë pranë banorëve tek Unaza e Re që janë të prekur nga projekti Unaza e Madhe, të cilët vazhdojnë të kërkojnë dëmshpërblimin 100 %  për shtëpitë e tyre që do të shemben.

Ajo që po ndodhë tek Unaza e Re, kryetari i PD e quajti barbari, ndërkoh paralajmëroi kryeministrin Edi Rama i cili po keqpërdor policinë duke ushtruar dhunë ndaj protestuesve se çdo kush do të mbajë përgjegjësi:

“Ajo që po ndodh këtu është një barbari, shkelje e kushtetutës, jemi këtu për të mbrojtur shtëpitë e tyre bashkë me ta dhe për të dhënë mesazhin se ata nuk do t’i lëshojnë shtëpitë e tyre dhe se Rama duhet t’i vejë gishtin kokës. Për një vjedhje astronomike, Rama do që t’i prishë këto banesa. Ka shpikur skemat më perverse për të vjedhur Shqipërinë, këtu vjedh vetëm me një dorë 40 mijë euro. Ky është një projekt i agait të Surrelit ndaj jemi në krah të këtyre.”

Lidhur me ankesat e banorëve për familjarët e tyre të arrestuar pas protestave, kryetari i PD, Lulzim Basha i bëri të qartë Edi Ramës që ti bëjë mirë hesapet kur i sul policinë qytetarëve:

“Ai po keqpërdor policinë e shtetit, dhe sot u bëj thirrje që policia të mos dalë kundër të drejtëve të qytetarëve. Ti bëjë mirë hesapet mirë Rama kur i sul policinë qytetarëve. Ju garantoj se dhuna që ka ushtruar në komisariat ndaj të arrestuarve është regjistruar dhe çdo kush do të mbajë përgjegjësi”