Unaza e Re/ Protesta, gjashtë kërkesat e banorëve

Protesta te Unaza e Re e banorëve të prekur nga projekti Unaza e Madhe sot ka vazhduar në ditën e saj të 54-të me itinerarine zakonshëm duke bllokuar rrugët ndërkohë risi e vetme ishin kërkesat konkrete që ata parashtruan me këtë rast.

Fillimisht banorët si çdo ditë bllokuan për rreth 1 orë qarkullimin e mjeteve në të dyja kahet e kalimit në aksin nga “Pallati me Shigjeta” te sheshi “Shqiponja” dhe bën thirrje kundër ministrit Damian Gjiknuri dhe kreut të ARRSH-së, Afrim Qendro.

Dhe, sot ata parashtruan 6 kërkesa:

-Anulimi i projektit të Unazës së Madhe;

-Rifillimi i procesit të legalizimit për të gjitha banesat;

-Rregullimi i kushteve të transportit publik në kryeqytet;

-Ulja e çmimit të karburantit dhe rritja e cilësisë së tij;

-Tu jepen punonjësve të policisë rroga e 13 orët suplementare dhe pagesa e dietave;

-Plotësimi i kërkesave të studenteve dhe rrëzimi i ligjit të Arsimit të Lartë

Nga megafoni i protestës u njoftua se ditën e nesërme, banorët do ti bashkohen protestës së diasporës para Kryeministrisë, ndërsa deputeti i Partisë Demokratike, Klevis Balliu u bëri apel qytetarëve t’i bashkohen tubimeve të banorëve të “Unazës së Re”, pasi kauza e tyre është jetike.