Unaza e Re/ Protesta para bashkisë, tensionohet situata – humbet ndjenjat një banor…

Banorët e Unazës së Re kanë vazhduar edhe sot me protestat para Bashkisë së Tiranës, për të kërkuar anulimin e projektit të ndërtimit të rrugës, që prek banesat e tyre.

Banorët e zonës janë konfrontuar me forcat e rendit të cilët kanë bërë një kordon sigurie, për të penguar hyrjen e tyre në godinë e Bashkisë së Tiranës ku po zhvillohet mbledhja e këshillit bashkiak.

Në drejtim të godinës së Bashkisë banorët kanë hedhur vezë, shashka dhe kanë ndezur flakadan.

“Nuk jemi shpellarë, jemi qytetarë. Nuk duam qera, duam shtëpi tona”, kanë qenë thirrjet e banorët.

Gjatë përplasjes me forcat e rendit, një banori i ka rënë të fikët:

“Nuk kemi punë me bashkinë, kemi punë me ju, bashki hajdute dhe kriminale, me qeverinë!”

“O Erion Veliaj, nuk jemi shpellarë, jemi qytetarë! Jug – Veri jemi nji!” vazhduan me thirrjet protestuesit të cilët kryetari i bashkisë së Tiranës vazhdon të mos i përfill ashtu si edhe kërkesat e tyre.

Ndërkohë opozita e bashkuar është duke bojkotuar punimet e Këshillit Basshkiak dhe i është bashkuar protestës së banorëve.