Unaza e Re/ Protesta, reagon Rama: Më 22 nëntor, shtjellim të plotë para Kuvendit…

Më në fund, protestuesit tek Unaza e Re dëgjuan edhe zërin e Kryeministrit Edi Rama por jo dhe një përgjigje për të kuptuar se cili do të jetë fati i tyre me projektin e Unazës Madhe.

Ngjashëm me rastin e Dekretit të refuzuar të ministrit të Brendshëm nga Presidenti, edhe sot Edi Rama përmes rrjetit social Twitter ka paralajmëruar një përgjigje të paparë nga foltorja e Parlamentit, të enjten e famshme parlamentare.

“Qysh nga prishja e parë masive në Parkun Rinia, u desh të kalonin mbi 15 vjet prishje për interes publik, që të protestohet me kërkesën për dëmshpërblim për ndërtimet pa leje në shtratin e rrugës! E dini pse?” bënë shkencë kryeministri Edi Rama edhe pse është ky reagimi i parë rreth protestave tek Unaza e Re duke shtuar:

“Kjo s’thuhet me një tweet, meriton një shtjellim të plotë para Kuvendit!”

Që kjo nuk thuhet në twitt këtë e dijnë të gjihë protestuesit dhe ata fëmijët e tmerruar nga policia e Erion Veliajt që protestojnë cdo pasdite tek Unaza e Re. Madje për fatin e mirë të shqiptarëve ky rrjet social ka fjalët e kufizuara për një koment, por askush nuk e ka qartë pse u paraqitë në këtë moment, për të thënë që më 22 nëntor do të flas.

Protestuesit nuk kanë ndonjë shpresë nga njeriu që i gënjeu kur u mori votën, dhe mbetet vetëm seanca plenare për të parë Edi Ramën në rolin e ri nga foltorja,,,

Ja postimi i plotë:

“Qysh nga prishja e parë masive në Parkun Rinia, u desh të kalonin mbi 15 vjet prishje për interes publik, që të protestohet me kërkesën për dëmshpërblim për ndërtimet pa leje në shtratin e rrugës! E dini pse”?

“Kjo s’thuhet me një tweet, meriton një shtjellim të plotë para Kuvendit”!