Unaza e Re/ Protesta, Salianji në gjykatë: Prokuroria po kërkon me burg me 5 bidona provë…

“Prokuroria po kërkon burg duke paraqitur si provë, 5 materiale plastike (bidona), dy pankarta letre, dhe dy ristela mbajtëse”. Kështu shprehet deputeti i PD, Ervin Salianji, përmes rrjetit sociali Facebook ndërsa ndodhet në sallën e Gjykatës së Tiranës, ku po mbahet seanca për masën e sigurisë, për 11 personat e arrestuar lidhur me protestën e të enjtes para parlamentit.

Ja postimi i plotë 

“Nëse vjedh, trafikon, merresh me prostitucion, me vrasje, me korrupsion Rilindja të bën deputet, ministër dhe të promovon!

Nëse denoncon, ngre zërin, proteston, mbron familjen dhe banesën përfundon në burg!

Prokuroria po kërkon burg duke paraqitur si provë materiale, 5 materiale plastike (bidona), dy pankarta letre, dhe dy ristela mbajtëse!!!”