Unaza e Re/ Protesta vazhdon, policia arreston 2 banorë dhe procedon 20. PD paralajmëron…

Banorët tek Unaza e Re që preken nga projekti i Unazës së Madhe kanë vazhduar edhe sot protestën kundër shembjes së shtëpive të tyre duke kërkuar dëmshpërblimin 100 % ndërkohë bëhet e ditur se janë arrestuar dy nga protestuesit dhe 20 prej tyre janvproceduar në gjendje të lirë.

Njoftimi erdhi nga Komisariati i Policisë Nr.6 i cili thekson se arrestoi dy shtetas për veprat penale “Organizimi, pjesëmarrja në grumbullime dhe manifestime të paligjshme”, “Pengimi i qarkullimit të mjeteve dhe transportit”, “Shkatërrim i pronës”, “Prishja e qetësisë publike” të kryera në bashkëpunim si dhe procedoi në gjendje të lirë 20 shtetas të tjerë.

Partia Demokratike duke denoncuar arrestimet më të fundit të protestuesve, nga Policia e Tiranës,  thekson se këto arrestime janë presion, për të trembur protestuesit, ndërsa paralajmëron kryeministrin se “nuk do t’ia arrijë t’ju bëjë presion protestuesve sepse për çdo banor të kësaj unaze që ata do të arrestojnë, 1 mijë të tjerë do të shtohen”.

Njoftimi i policisë

Komisariati i Policisë Nr. 6 arrestoi dy shtetas për veprat penale “Organizimi, pjesëmarrja në grumbullime dhe manifestime të paligjshme”, “Pengimi i qarkullimit të mjeteve dhe transportit”, “Shkatërrim i pronës”, “Prishja e qetësisë publike” të kryera në bashkëpunim si dhe procedoi në gjendje të lirë 20 shtetas të tjerë.

Shërbimet e Komisariatit të Policisë Nr. 6 arrestuan në flagrancë shtetasit:R. Ll., 41 vjeç, banues në Tiranë, K. Y., 58 vjeç, banues në Tiranë.

Gjithashtu u proceduan në gjendje të lirë shtetasit:  K. Y., 21 vjeç, A. Ç., 58 vjeç, E. R.,  28 vjeç, K. B., 32 vjeç, A. V.,  29 vjeç, A. M., 46 vjeç, B. Ç., 38 vjeç, A. D., 62 vjeç, Sh. H., 24 vjeç, L. P., 31 vjeç, F. P., 51 vjeç, G. Q., 59 vjeç, Sh. S., 49 vjeç, L. K., 45 vjeç, F. A., 51 vjeç, R. D., 43 vjeç, K. V., 53 vjeç, I. N., 18 vjeç, E. F., 15 vjeç dhe Sh. B., (të gjithë banues në Tiranë).

Këta shtetas në rrugën “Teodor Keko” në bashkëpunim kanë organizuar një tubim të paligjshëm duke bllokuar aksin rrugor për rreth 60 minuta, si dhe kanë dëmtuar sinjalistikën rrugore.  Materialet në ngarkim të tyre iu referuan për veprime të mëtejshme Prokurorisë së Rrethit Gjyqësor Tiranë.