Unaza e Re/ Protestuesit i përgjigjen Veliajt: “Nuk jemi shpellarë, jemi qytetarë!”

Protesta e banorëve në Unazën e Re kundër prishjes së shtëpive të tyre u zhvillua për dy orë në mbrëmje ndërkohë që sonte dominoi revolta ndaj fjalorit denigrues të kryetarit të bashkisë së Tiranës.

“Poshtë hajdutët; duam shtëpitë tona; dy duar për një kokë,
kryeministër ku je fshehur; poshtë diktatura”, ishin disa nga thirrjet
dhe mesazhet në pankartat e banorëve, të cilët paralajmëruan  vijimin e protestave deri sa problemi që kanë ngritur të marrë zgjidhje.

Banorët që i dhanë votën dhe sot ka vendosur t’ju shembë shtëpiat sot Erion Veliaj i quajti edhe shpellarë. Përgjigja e tyre nuk përkonte me fjalorin  prej rrugaci të kryetarit të bashkisë por ata i kujtuan:

“Nuk jemi shpellarë jemi qytetarë”, ndërkohë njëri nga protestuesit u shprehë:

“Një njeri pa nivel. Të vijë këtu të bëj një dorë muhabet po është
burrë!”

Por kishte dhe prej tyre që tashmë janë të bindur dhe jo sikur dje kur i dhanë votën:

“Me taksat tona bëri dasmën Erjon Veliaj, jo me fiq!”

Dhe njëri prej socialistëve që iu bind urdhërit të partisë  e bëri të qartë:

“Pesë vota i dha familja ime Erjon Veliajt. Shtëpinë nuk e lëshoj deri në vdekje, le të vijë fadroma dhe të më zërë poshtë!”