Unaza e Re/ Qëlloi Ramën me këpucë, gjykata e lë në burg, flet gruaja e tij…

Gjykata e Tiranës ka lënë në burg për 30 ditë qytetarin që qëlloi Kryeministrin Edi Rama me këpucë të enjten para spitalit të Traumës. Fjala është për shtetasin Ilias Sketiraj.

Bashkëshortja e Sketirajt tregon arsyet se pse i shoqi bëri atë veprim. Për mikrofonin e News 24, ajo u shpreh se banesa ku jeton është në proces legalizimi dhe familjarët e saj janë përplasur më herët me forcat e IKUK dhe policinë, pas disa përpjekjeve për ti prishur banesën.

“Burrit tim i kanë thyer krahun”, gjatë përplasjes me INUK të ndodhur disa vite më parë, është shprehur gruaja.

Gjithashtu, ajo tha se, në vitin 2014, dy djemtë e saj janë dhunuar barbarisht nga forcat e policisë pasi kanë kundërshtuar prishjen e banesës. Ata janë shtruar në spital, por kur shkuam të merrnin kartelat, nuk ekzistonin, shtoi.

Gruaja tha se djemtë e saj, shkuan më pas në Gjermani, për të kërkuar azil.