Unaza e Re/ Shoqërohen 7 protestues, pas protestës para policisë së Tiranës lirohen 6 prej tyre

Protesta tek Unaza e Re ndonëse ishte në mbyllje, mori tjetër drejtim, pasi policia e Ish-Gjeneral Sandër Lleshajt shoqëroi 7 të rinj.

Banorët e Unazës së Re menjëherë u mblodhën para Drejtorisë së Policisë së Tiranës duke nisur një protestë pa afat tek policia duke kërkuar lirimin e personave të shoqëruar.

Pas një presioni të fortë para Drejtorisë së Policisë së Tiranës, lirohen 6 banorët e Unazës së Re dhe vetem Altin Çejku nuk u la i lire nga policia .

Banorët, të revoltuar nga ky akt i policisë, kanë deklaruar se do të protestojnë edhe më fuqishëm ditët në vijim.

Ndryshe, në mbështetje të tyre ka vazhduar të qëndroje Ish-deputeti i PD-së, Klevis Balliu, i cili tha se policia ka marrë urdhër për të shuar protestën dhe për këtë shkak ka nisur arrestimet.