Unaza e Re/ Skandali, Basha: Hajduti Edi Rama dhe ARRSH para drejtësisë!

Tani është e qartë për të gjithë ju se projekti i Unazës së Madhe është një projekt vjedhjeje, dhe jo një projekt zhvillimi. Ai nuk bëhet për qytetin e Tiranës, nuk bëhet për njerëzit, por bëhet për xhepat e Edi Ramës. Kështu reagon kryetari i Partisë Demokratike, Lulzim Basha pas skandalit që shpërthye me falsfikiminin e dokumenteve nga kompania amerikane, që fitoi garën për njërin prej 3 loteve të projektit të Unazës së Madhe të Tiranës, duke shtuar se ka dy muaj që opozita flet për këtë gjë, por propaganda e gënjeshtrat e qeverisë, i kanë penguar qytetarët të shohin të vërtetën.

“Sot të gjithë po shohin Edi Ramën e vërtetë, Edi Ramën siç është, pa maskë dhe pa fasadë: një hajdut të ftohtë dhe të pamëshirshëm që nuk ndalet para asgjëje për xhepat e tij. Një hajdut që për të mbushur xhepat e tij është i gatshëm të flakë në rrugë fëmijë, pleq, të sëmurë, gra shtatzëna. Arroganca, dhuna dhe këmbëngulja mizore dy mujore për të nxjerrë nga shtëpitë e tyre në mënyrë të paligjshme qytetarët frymëzohen nga makutëria e tij për para,” tha Lulzim Basha duke se shtuar se mbrëmë u pa qartë dhe pa dorashka e vërteta tronditëse.

“Sot Edi Rama ka nxjerrë ARRSH-në që të bëjë mashtrimin e rradhës.

Së pari, ARRSH-ja e Ramës duhet të dalë e gjitha para drejtësisë sepse në vend që t’i shërbejë ligjit dhe shqiptarëve, është kthyer në një vegël për vjedhjet marramendëse të Edi Ramës,” tha kryetari i PD duke konstatuar se të gjitha koncesionet që ka hartuar dhe kontraktuar ARRSH në rrugë janë akte korrupsioni dhe asnjë nga zyrtarët e Autoriteti Rrugor Shqiptar të përfshirë nga më i thjeshti, tek më i larti nuk duhet të lihet i lirë por duhet hetuar dhe nxjerrë para drejtësisë.

Megjithatë, ideatori, planifikuesi dhe përfituesi kryesor i vjedhjes së Unazës, dhe i të gjitha projekteve të tjera, i vjedhjes së koncesioneve të rrugëve, i koncesionit të check-upit, të koncesioneve të incineratorëve dhe të çdo vjedhje të tjetër masive që po i bëhet Shqipërisë është Edi Rama.

Shqiptarët më në fund po e shohin të vërtetën siç është: Edi Rama është hajdut! Ai ka plot 20 vjet që vjedh pa pushim shqiptarët dhe nuk ngopet, thekson lideri I opozitës Basha, duke vlerësuar se ai ka vetëm një vlerë dhe një moral: Paranë.

“Para parasë nuk vlejnë as njerëzit, as vendi, as familjet, as studentët, as e ardhmja. Asgjë. E gjithë qeverisja e tij është një projekt gjigand për të plaçkitur për të vjedhur dhe për të zhvatur. Edi Rama as nuk ka patur dhe as nuk vullnet, as vizion për të punuar për njerëzit. Për të qeverisje do të thotë vjedhje. Vjedhja është qëllimi dhe përmbajtja e qeverisjes së sotme. Çdo gjë tjetër është fasadë. Është propagandë.”

Me këtë rast ai i bëri thirrje qytetarëve që t’u bashkohen të gjitha përpjekjeve për të ndaluar vjedhjet e Edi Ramës. I bëri thirrje t’i bashkohen protestës së banorëve të Unazës, të Shkozës, të Bulevardit të Ri, qytetarëve që protestojnë prej 10 muajsh për Teatrin, studentëve, bijëve dhe bijave që protestojnë për të drejtën e tyre për dije dhe arsimim.

Mos dëgjoni përçarësit, thakryetari i PD, Lulzim Basha,mos u gënjeni nga njerëzit që paguan Edi Rama me paratëv që ju ka grabitur ju,për t’ju shkurajuar e për t’ju helmuar me cinizëm dhe mosbesim porositi ai dukepërfunduar:“Sot ka një fakt të thjeshtë: Edi Rama dhe bandae tij po e çojnë vendin në greminë. Ne duhet të jemi të gjithë bashkë. Bashkëne duhet ta ndalim me çdo mjet. Vetëm kur njerëzit bashkohen, tregojnë kurajodhe luftojnë të gjithë për të drejtën dhe të mirën, vetëm atëhere fitonpopulli, fiton e mira dhe mkundet e keqja.”