Unaza e Re/ Tensione, Basha: Policia ishte urdhëruar të ushtronte terror…

Urdhri politik për terror tek Unaza e Re, nga një bishë e plagosur, por që është e rrezikshme. Kështu e vlerësoi sonte veprimin e policisë tek Unaza e Re, kryetari i Partisë Demokratike, Lulzim Basha, pasi policia e Ish-Gjeneral Sandër Lleshajt rrethoi zonën dhe u krijua një situatë e nderë, e gatshme edhe për të shpërthyer .

Pas shqetësimit të banorëve tek Unaza e Re, protestës iu bashkua Lulzim Basha ku dhe u shprehë :

“Pushteti ilegjitim i ngritur mbi votën e vjedhur nga bandat po u shërben bandave. Policia ka marrë urdhër që të shoqërojnë banorët që kanë mbi 4 muaj që protestojnë natë për natë për të mbrojtur banesat e tyre, nga afera më korruptive, për të cilën sot duhet të ishte në burg Damian Gjiknuri dhe duhet të ishte marrë i pandehur Edi Rama.”

Lideri i opozitës sapo iu bashkua protestës tregoi dhe arsyen e alarmimit meqë kishte një informacion i cili ka rrjedhur në mënyrë të besueshme:

“Një urdhër politik, i ardhur nga nivelet më të larta, supozohet nga Sandër Lleshaj e ndoshta edhe nga Edi Rama, për të kryer akte raprezaljeje e terrori mbi banorët. Bisha kur është e plagosur, është më e rrezikshme në momentet e fundit. E ka kuptuar se i ka ardhur fundi dhe në vend që t’i vërë gishtin kokës, mendon se mund ta shtyjë duke ushtruar terror mbi qytetarët,” tha kryetari i PD, Lulzim Basha, duke i bërë thirrje policisë të tërhiqet menjëherë nga ushtrimi i terrorit ndaj protestuesve.

Pas ndërhyrjes se liderit të opozitës u bë e ditur se policia është tërhequr ndonëse banorët tek Unaza e Re vazhdojnë të qëndrojnë në gjendje gatishmërie.

Ndryshe, në momentin kur forca të mëdha policore u përqëndruan rreth Unazës së Re, protestuesit i kanë kërkuar Ministrit të Brendshëm Sandër Lleshaj, të ketë kujdes me durimin e tyre, pasi do të shikojë një protestë para policisë që se ka parë kurrë ndërkohë u kanë bërë thirrje edhe Ambasadave të huaja në Tiranë për ndihmë.