Unaza e Re, viti i ri 2019 filloi me protestën e banorëve

Viti i Ri te Unaza e Re filloi me protestën e banorëve të prekur  nga projekti Unaza e Madhe, ku përveç dëmshpërblimit të pronës së tyre tashmë kërkohet edhe anulimi I projektit.

Për shkak të politikës së korruptuar, theksojnë banorët, sot në vend se të festojnë ata janë në rrugë.

Në ditën e 59 të protestës së banorëve te Unaza e Re nuk ka munguar as deputeti i Partisë Demokratike, Klevis Balliu, i cili përsëriti se protesta e banorëve do të vijojë deri në anulimin e projektit.

“Ka ardhur koha dhe është viti 2019 që me energjinë e këtyre qyetarëve, çdo qyetar në Shqipëri ti bashkohet Unazës së Re dhe të shkojnë tek Kryeministria që ta nxjerrin Edi Ramën para drejtësisë,” tha Balliu duke shtuar se nëse kjo qeveri vazhdon me harbutëri dhe arrogancë qytetarët do ti japin aty atë që mertojnë.

“Pushtetet diktartoriale si kjo duhet të rrëzohen me çdo lloj forme. Çdo qyetar shqiptarë është gati të sakrifikojë gjithçka që ti kthejë vendit legjitimitetin,” tha deputeti i PD, Klevis Balliu duke e bërë të ditur se protesta do të vijojë deri në anulimin e projektit ndërsa për qeverinë nuk ka opsion tjetër përveç se të anulojë projektin.