Unaza e Tiranës/ Zbulohet edhe një mashtrim, Tabaku: Kostoja, me TVSH është 48 mil. €

Opinioni publik e pa kryeministrin Edi Rama duke i bërë analizën e fjalëve të kryetarit të Partisë Demokratike, Lulzim Basha në protestë tek Unaza e Re dhe gishtit të tij nëse është 1 centimetër, por jo edhe tabelës që publikoi ARRSH ku kostoja reale e këtij projekti nuk është siç thotë Edi Rama.

Pas publikimit të tabelës nga ARRSH, deputetja e Partisë Demokratike, Jorida Tabaku, thekson se deri më sot është thënë se kostoja për kilometër është 20 milionë euro, por në fakt është 24 milionë:

“Kemi disa ditë që diskutojmë për koston e Unazës së Tiranës dhe faktit që kosto për kilometër është 20 milionë euro. Në fakt të gjitha tenderat publike japin vlerën e tenderit pa TVSH që do të thotë kosto është në të vertetë 48 milionë euro dhe 24 milionë euro për kilometër,” thekson deputetja e PD Jorida Tabaku duke publikuar tabelën e ARRSH e cila tregon më së miri korrupsionin e paprecedentë me këtë tender:

Ja postimi i plotë:

Mbi koston e Unazes se Tiranes!

Kemi disa dite qe diskutojme per koston e Unazes se Tiranes dhe faktit qe kosto per kilometer eshte 20 milione euro. Ne fakt te gjitha tenderat publike japin vleren e tenderit pa TVSH qe do te thote kosto eshte ne te vertete 48 milione euro dhe 24 milione euro per kilometer.

Kjo tabele e ARSH e tregon me se miri korrupsionin e paprecedente me kete tender!