Urbi et Orbi/ Thirrje njerëzve, Papa Françesku: Ndryshoni zemrat tuaja!
Papa Françesku i bëri thirrje botës të lejojë që drita e Krishtëlindjes të shpërthejë “errësirën në zemrat e njerëzve” që çon në përndjekje fetare, padrejtësi sociale, konflikt të armatosur dhe frikë nga migrantët.
Në mesazhin e tij të Krishtlindjes “Urbi et Orbi”, Papa 83-vjeçar bëri thirrje për paqe në Tokën e Shenjtë, Siri, Liban, Jemen, Irak, Venezuelë, Ukrainë dhe disa vende afrikane të sunduara nga konflikti i armatosur.
Ndryshimi, tha Papa Françesku fillon në zemrat e njerëzve.
“Errësira banon në zemrat e njerëzve, por drita e Krishtit është edhe më e madhe,” tha Papa.
Vuajtjet e migrantëve
“Errësira gjendet në marrëdhënie personale, familjare dhe shoqërore, por drita e Krishtit është më e madhe. Errësira ekziston në konflikte ekonomike, gjeopolitike dhe mjedisore, por edhe më e madhe është drita e Krishtit,” tha ai ndërsa paralajmëroi për persekutimin e të krishterëve në Burkina Faso, Mali dhe Nigeri, duke i kërkuar Zotit të ngushëllojë ata që vuajnë për shkak të besimit të tyre.
Në mesazhin tij të Krishtlindjes Papa foli për vuajtjet e migrantëve.
“Padrejtësia i detyron ata të kalojnë në shkretëtira dhe dete që kthehen në varreza. Padrejtësia i detyron ata të pësojnë forma të padiskutueshme abuzimi, skllavërimi të të gjitha llojeve dhe tortura në kampe çnjerëzore,” tha Papa Françesku duke shtuar:
“Padrejtësia i drejton ata nga një vend ku ata mund të kishin shpresë për një jetë dinjitoze, por përkundrazi e gjejnë veten para mureve të indiferentizmit.”
“Zoti të na zbut zemrat tona prej guri”
Ndonëse ka shumë probleme të mëdha në botë, nuk duhet bërë përpjekje për të korrigjuar padrejtësitë diku larg, tha ai, duke këshilluar njerëzit që së pari të iniciojnë ndryshime në bashkësitë e tyre në mënyrë që përfundimisht të shërohen “të gjithë anëtarët e vuajtur të familjes sonë njerëzore”.
“Zoti e lehtësoftë zemrën tonë shpesh të guximshme dhe vetëpërmbajtëse dhe t’i bëjë kanale të dashurisë së tij. Le ta sjellë buzëqeshjen e tij, përmes fytyrave tona të varfëra, për fëmijët e tij në botë; për ata që janë braktisur dhe për ata që vuajnë nga dhuna”, tha ai.
Ndërsa jepte këtë mesazh, pranë Papës në ballkonin e Bazilikës së Shën Pjetrit ishin dy kardinal, Renato Martino, President emeritus i Zyrës së Emigracionit në Vatikan dhe Konrad Krajewski, Zyrtari papal për bamirësi i cili shpërndanë ndihmat për të varfërit dhe të pastrehët në Romë.
“Përmes duarve tona të dobëta, le të veshen ata që nuk kanë asgjë për të veshur, le tu jepet buka të uriturëve dhe të shërohen të sëmurët,” tha Papa Françesku duke shtuar se me dhurimin e miqësisë, çdokush mund të jetë afër të moshuarve, të vetmuarëve, migrantëve dhe të margjinalizuarëve ndërsa përfundoi”
“Kjo Krishtëlindje e gëzuar, le të sjellë bekimin për të gjithë dhe të ndriçojë errësirën e kësaj bote.”
