Urdhëron Bashën të heqë simbolet e PD nga zyrat, Kreu i KQZ: Hiqi ose do të vijë policia e shtetit!
Kreu i Komisionit Qendror të Zgjedhjeve, KQZ, Ilirian Celibashi, ka urdhëruar Lulzim Bashën të heqë simbolet e Partisë Demokratike, PD, nga ambientet private që ai përdor.
Vendimi u mor gjatë seancës së sotme, ku u shqyrtua ankimimi i Partisë Demokratike me kryetar Sali Berishën.
“Dakord me kërkesën e bërë nga subjekti zgjedhor PD për tu hequr këto simbole nga ambientet private dhe për zbatimin e këtij vendimi do të ngarkohet policia bashkiake dhe ajo e shtetit. Do të caktojmë edhe një afat në lidhje me zbatimin e këtij vendimi,” u shpreh Ilirian Celibashi në përgjigje të kërkesës së PD për heqjen e simboleve, stemave dhe logove jo zyrtare të PD nga një ambient privat.
Ndryshe, pas shkatërrimit të Partisë Demkratike dhe futjes në hullitë e gjykatave shqiptare, Zotni Lafsha në pritje të ndihmës nga bashkëautori i këtij krimi, Edi Rama, vazhdoi me përdorimin e simboleve të Partisë Demokratike ndonëse këtë të drejtë e humbi edhe me vendim të formës së prerë në Gjykatën e Apelit, dhe konkurroi në KQZ për zgjedhjet e 11 majit me tjetër parti!
