Urgjenca e Pediatrisë, Spahia: As gripin nuk e përballojnë dot. Paaftësi epike!
Pas situatës së rëndë që u krijua në Urgjencën e Pediatrisë, ka reaguar Ish-Deputeti, Bardh Spahia, duke sjellë foto-dëshmi të radhëve të gjata ku nuk përballohet as një grip i thjeshtë ndërsa e vlerëson si paaftësi epiket.
“Thellohet situata skandaloze në Urgjencën e Pediatrisë në QSUT. Prindër me fëmijë me temperaturë që presin me orë të tëra për të marrë mjekim, deri në oborr. Mungesës së mjekëve për të përballuar fluksin e vizitave, i shtohet edhe mungesa e vendeve për të shtruar urgjencat,” thekson Bardh Spahia në reagimin e tij i habitur se si mund të mos jesh i përgatitur për një fluks gripi, të zakonshëm.
“As një grip të thjeshtë tek pediatria nuk përballojmë dot? Si mund të jetë paaftësia kaq epike?”
Sërish, Ish-Deputeti i PD, Bardh Spahia uke ju drejtuar ministres së Shëndetësisë, Ogerta Manastirliu, se shëndeti i njerëzve nuk mund të trajtohet si PPP, për situatën e krijuar te Urgjenca e Pediatrisē shton:
“Shkoni e shikoni situatën e prindërve të dëshpëruar tek urgjenca e pediatrisë! Bëhet fjalë për shëndet fëmijësh! Ke një situatë që duhet adresuar sa më parë!”
Reagimi:
Thellohet situata skandaloze në Urgjencën e Pediatrisë në QSUT. Prindër me fëmijë me temperaturë që presin me orë të tëra për të marrë mjekim, deri në oborr.
Mungesës së mjekëve për të përballuar fluksin e vizitave, i shtohet edhe mungesa e vendeve për të shtruar urgjencat. Prindërit pasi qëndrojnë në rradhë me orë, blejnë mjekimin në farmaci dhe mjekët thjesht ua administrojnë sepse nuk ka vende, sado rëndë të jenë pacientët!
Parashikueshmëri zero! Si dreqin mund të mos jesh i përgatitur për një fluks gripi, të zakonshëm deri tani? Po sikur larg qoftë të përballemi me ndonjë situate a patologji tjetër me te rende? As një grip të thjeshtë tek pediatria nuk përballojmë dot?
Si mund të jetë paaftësia kaq epike? Zonja Manastirliu, e përsëris për të disatën herë, shëndeti i njerëzve nuk mund të trajtohet si PPP!
Shkoni e shikoni situatën e prindërve të dëshpëruar tek urgjenca e pediatrisë! Nuk mjafton roja te dera për të penguar kamerat televizive!
Bëhet fjalë për shëndet fëmijësh!
Ke një situatë që duhet adresuar sa më parë!
