Urime Kryeministrit Kurti, Sekretari i Shtetit: Do të keni mbështetjen e plotë të SHBA

Duke përgëzuar Kryeministrin Albin Kurti dhe popullin e Kosovës për zgjedhjet e suksesshme dhe demokratike, të mbajtura më 14 shkurt, Sekretari i Shtetit, Antony Blinken siguron mbështetjen e plotë të Shteteve të Bashkuara në dialogun me Serbinë dhe njohjen e ndërsjelltë si dhe anëtarësimin në BE.

“Shtetet e Bashkuara e kanë mirëpritur formimin e qeverisë së re dhe se presin të punojnë ngushtë për të siguruar, siç ka thënë ai, që Kosova sovrane, e pavarur, shumë-etnike dhe demokratike të zë vendin e saj si partner i barabartë në familjen euro-atlantike,” thekson Sekretari Blinken duke mirëpritur zotimet e kryeministrit Kurti për luftimin e korrupsionit, fuqizimin e sundimit të ligjit dhe rikuperimin nga pandemia COVID-19, si edhe përpjekjet e tij për realizimin e aspiratave të popullit të Kosovës.

“Sigurimi i një marrëveshjeje gjithëpërfshirëse për normalizim me Serbinë, e përqendruar në njohjen e ndërsjellë është thelbësore për Kosovën që të arrijë potencialin e saj të plotë dhe të ecë përpara në rrugën drejt anëtarësimit në BE,” thekson Sekretari i Shtetit, Antony Blinken, në letrën e urimit duke garanttuar:

“Do të keni mbështetjen e plotë të Shteteve të Bashkuara të Amerikës në këtë drejtim!”