Urimi, Basha: Edhe ky vit i ri shkollor do të jetë sfidues!

Me fillimin e vitit të ri shkollor, Kryetari i Partisë Demokratike, Lulzim Basha, ka dhënë një mesazh urimi për  të gjithë nxënësit e mësuesit shqiptarë si dhe prindërve që me sakrifica ushqejnë ëndrrat dhe ambiciet e fëmijëve të tyre!

“Urime të përzemërta nxënësve dhe mësuesve, anembanë Shqipërisë në nisjen e këtij viti shkollor! Urime prindërve që përmes punës dhe sakrificave ushqejnë ëndrrat dhe ambiciet e fëmijëve të tyre! Urime vogëlushëve që plot emocione ulen për herë të parë në bankat e shkollës, në hapjen e një kapitulli të rëndësishëm për jetën e tyre dhe gjithë shoqërisë sonë,” shprehet Lulzim Basha në urimin e tij përmes rrjetit social Facebook shoqëruar dhe me një video ndërsa përfundon:

“Edhe ky vit i ri shkollor do të jetë sfidues për shkak të pandemisë, ndaj kujdesi nuk duhet të mungojë për të mbrojtur shëndetin e njëri-tjetrit dhe të familjeve tuaja. Suksese të gjithëve!”