Urren Gegët, sulmon Sali Berishën: Ka shaluar gjuhën shqipe dhe masakruar…

Ndonëse e filloi me një seriozitet takimin e tij me kryebashkiakët që ka përzgjedhur për zgjedhjet e 30 Qershorit, Edi Rama në momentin kur filloi me akuzat kundër paraardhësit të tij, Sali Berisha, humbi vetëkontrollin.

“Boll 30 vjet që ky vend thith gazin e prodhuar nga i njëjtit individ që urrejtjen e partisë së punës e eksportoi në PD dhe e mbolli të çdo parcelë të politikës. Çudit planetin me djegie mandatesh parlamentare, boll që i njëjti lider në krye të së njërës parti, që si president dogji vendin, si shef opozite dogji kryeministrinë duke e sulmuar me antitank për të vrarë shefin e qeverisë dhe marrë pushtetin me dhunë, si kryeministër vrau protestues, të vazhdojë sot të kërcënojë përsëri me zjarr e me flakë këtë popull nga tmerri se mund t’i vi më shpejt bileta e drejtësisë se ajo e takimit më Shën Pjetrin,” tha Edi Rama por nga bëmat e shumta që i renditi Sali Berishës ishte dhe një ves i padëgjuar më parë, as nga gjuhëtarët më kritikë të gegnishtes dhe mbështetësit e fjalorit aktual:  

“30 vjet janë boll që ky vend mbahet peng nga individ që plakjet si mos më keq, por që s’ka me keq, ka shaluar gjuhën shqipe dhe masakruar çdo normë sjelljeje në mexhlis nga Kanuni i Lekë Dukagjinit te ato më ta latuarat,” tha kryeministri Edi Rama duke i dhënë mesazh të qartë që më 30 Qershor “të mos ndajmë jetën në këtë vend duke e bërë bashkë, çdo shqiptar që nuk do më zjarr, në këtë vend që quhet atdheu ynë çdo zgjedhës që shkon apo jo në votim nuk do më sherr për vendin dhe bashkinë,” dhe, kujdes, ATA QË SHALOJNË GJUHËN SHQIPE!