Ushtarët e KFOR-it, misione në veri të Kosovës

Ushtarët amerikanë, letonezë, polakë, turq dhe gjermanë nga batalioni manovrues Komanda Rajonale-Lindje i KFOR-it, kanë kryer misione të futjes ajrore mbi veriun e Kosovës.

“Të kryera si ditën ashtu edhe natën me njësitë e aviacionit, këto aktivitete lejojnë patrullat të arrijnë në zonat kyçe përgjatë Vijës Kufirit Administrativ duke forcuar ndërveprimin, koordinimin dhe gatishmërinë operacionale ndërmjet forcave të KFOR-it në rajon,” thekson KFOR përmes një njoftimi.

Aktivitete të tilla, thekson misioni i NATO-s në Kosovës, janë thelbësore për ruajtjen e kohezionit dhe gatishmërisë së njësive, ndërsa sigurojnë efektivitetin e vazhdueshëm të KFOR-it në mbështetjen e një mjedisi të sigurt për të gjithë njerëzit në mbarë Kosovën