Ushtarët rus që dezertuan rrëfejnë: Mobilizimi i Putinit na detyroi të ikim, tani kemi frikë!

Përballë zgjedhjes në mes të pjesëmarrjes në luftën agresive ose shkuarjes në burg për shkak të refuzimit të luftës në Ukrainë, qindëra ushtarë rus kanë dezertuar në ish-shtetet sovjetike fqinje të Rusisë, ku tani jetojnë në pasiguri.

Oficeri rus Farkhad Ziganshin ishte përgatitur për jetë ushtarake që nga ditët e tij të para të jetës. Kurrë nuk e kishte imagjinuar se një ditë do të bëhet dezertor dhe do ta braktis vendlindjen. Pushtimi rus në Ukrainë ka ndryshuar gjithçka.

“Nuk e mbështesim atë që po ndodhë në Ukrainë, nuk e mbështesim qeverinë që e kemi tash sa vite,” tha 24 vjeçari Ziganshin për AFP në Kazakhstan, ku ka ikur në shtatorin e vitit 2022, pasi Vladimir Putin urdhëroi mobilizimin e parë ushtarak rus që nga Lufta e Dytë Botërore.

Pushteti rus ka filluar procedurë penale kundër Farkhad Ziganshinit për shkak të braktisjes së njësitit të tij. Ai nuk ndjehet i sigurt në Kazakhstan sepse mund të deportohet në Rusi. 

Gjithsesi, oficeri rus Farkhad Ziganshin nuk është se kishte ndonjë përzgjedhje të madhe, pjesëmarrja në luftën agresive ose shkuarja në burg për shkak të refuzimit të luftës në Ukrainë!