Ushtari rus ekzekuton 8 kolegë në një bazë ushtarake

Tetë ushtarë janë vrarë dhe dy janë plagosur në bazën ushtarake në lindje të Rusisë, Gorny, raportojnë Agjencitë ruse të lajmeve, duke cituar burime zyrtare se një ushtarë ka gjuajtur mbi kolegët ndërkohë dy të plagosurit janë jashtë rrezikut për jetën.  

Ministria e Mbrojtjes e Rusisë e ka konfirmuar ngjarjen duke shtuar se sulmuesi është arrestuar.

“Më 25 Tetor në orën 18:20 sipas orës lokale, gjatë ndërrimit të turnit të rojeve, një ushtar ka filluar të gjuaj mbi kolegët,” thekson komunikata e autoriteteve ruse e cila citohet nga Agjencitë ruse të lajmeve.

Ministria e Mbrojtjes thekson se shkaktar i këtij sulmi mund të jetë një krizë nervore për shkak të problemeve familjare ndërsa përfundon:

“Kriza nervore nuk ka të bëjë me punën e tij!”