Ushtria “ruan” Rinasin/ Shkelja e Kushtetutës, Edi Rama tregon Aeroportet e Parisit, Venecias, por jo…

Kryeministri Edi Rama nuk tha asgjë nga foltorja asgjë për kushtetueshmërinë ose jo të “ruajtjes” së Aeroportit të Rinasit por si “nona e rrjeteve sociale” që është u mundua përmes një sqarimi të shoqëruar me foto në Instagram, t’u tregoj kritikëve se si në Aeroportet e Parisit, Venecias, Frankfurtit dhe Amsterdamit ka ushtarë.

Duke harruar se si u mor vendimi që këto ushtri janë prezente në këto aeroporte, ai tregoi aeroportet me ushtarë por jo edhe Kushtetutat e këtyre vendeve që janë të qarta ashtu si edhe Kushtetuta e Republikës së Shqipërisë (Neni 173), dhe si në Paris, Venecia, Frankfurt, Amsterdam ose Tiranë, ushtrinë nuk e detyron Xhaçka që ta ruaj Aerportin por Kushtetuta. Dhe në këto vende, përveç Kushtetutës kanë edhe një President që kujdeset të mos Kryeministri kot, qoftë ai edhe çmendur.

Gjithsesi, ja çfarë thotë Kryeministri Edi Rama në Instagram:

Ja postimi i plotë:

“Forcat ushtarake në aeroportet e Parisit, Venecias, Frankfurtit dhe Amsterdamit, janë vendosur ashtu si në plot vende të tjera të Europës dhe botës demokratike, si reagim ndaj akteve cënuese për sigurinë e infrastrukturave aeroportuale dhe qytetarëve që i përdorin ato. Ndërkohë beretat e kuqe të policisë sonë ushtarake janë vendosur thjesht në ruajtje të perimetrit të jashtëm të sigurisë. Prandaj kush flet për shkelje kushtetute, gjendje lufte, juntë ushtarake e marrëzira të tjera si këto, le të gjejë ndonjë arsye tjetër për të treguar se sa shumë i dhimbsen Kushtetuta dhe standardet demokratike.”