Vajza siriane shpëtoi vëllaun nën rrënoja, tani e pret një fat i trishtë!

Vajza 5-vjeçare Jinan nën rrënojat e tërmetit në Siri u bë e njohur në gjithë botën nga videoja që u bë virale pasi u bë publike nga kusheriri i babait të saj Mahmud, ku shihej se si Jinan po e ngushëllonte vëllaun e saj nëntëmuajsh Abdullah deri sa u nxorën nga ekipet e kërkim-shpëtimit, por, tani pas shtatë ditësh, para saj është një e ardhme e trishtë!

E përditshmja britanike “The Guardian” ka vizituar Jinan dhe vëllaun e saj në spitalin e improvizuar në ish-shkollën ku janë vendosur fëmijët e fshatit Harem. Abdullahu po flinte gjumë i mbuluar me një batanie të leshtë ndërsa Jinan me dhimbje edhe pas shtatë ditësh, ishte e shtrirë në krevat.

“Plaga në këmbën e saj është shumë serioze. Jinan ndoshta nuk do të mund të ecë kurrë si më parë, nuk do t’ju gënjej. Nëse plaga nuk përmirësohet, do të detyrohemi edhe t’ia amputojmë këmbën,” tha doktori i saj Wajih al-Karrat.

Pas publikimit të videos, disa media kanë raportuar se babai i Janin është gjallë. Fatkeqësisht kjo nuk është e vërtetë.

“Jinan dhe Abdullah janë të vetmit që kanë mbijetuar nga familja,” tha me lotë në sy kusheriri i babait të saj Mahmud, shef i policisë lokale Omar Rahal, i cili publikoi dhe videon ku shihej Jinan me vëllaun e saj nëntëmuajsh Abdullah në rrënoja, video që sensibilizoj dhe ekipet e kërkim-shpëtimit në Idlib dhe vajtën urgjent në fshatin Harem për ti shpëtuar dy fëmijët.

Jinan dhe vëllau i saj Abdullah janë dy prej shumë fëmijëve që kanë ngelur pa prindër pas tërmetit të 6 shkurtit që goditi dhe qytetin e Idlibit ndërsa Rahal sqaroi se për dy fëmijët e kushëririt do të kujdeset xhaxhai i tyre i madh.

Numri i të vdekurëve nga tërmeti në Siri tashmë është mbi 3580. “Kjo është tragedi,” tha Dr.Karrat me zë të ulët duke shtuar:

“Jinan e dinë se ka ngelur vetë me të vëllaun. Por, shikoni këta fëmijë pran krevatit të Jinanit, gjithashtu janë jetim. Dhe, shumica vazhdojnë dhe pyesin se ku i kanë prindërit dhe kur do vijnë. Së pari duam ti shërojmë. Më pas, në një moment të dytë, do të detyrohemi t’ju themi se ata kanë mbetur jetimë.”

Heroina Janin!

Shefi i policisë lokale, Omar Rahal, dëgjoi një zë të ngjirur nga rrënojat. Një ditë më parë fshati i tij Harem në Siri ishte goditur nga dy tërmete të fuqishme me magnitudë 7.8 dhe 7.6, duke rrafshuar me tokë dhjetëra pallate, duke përfshirë dhe bllokun e banesave ku jetonte kushëriri i tij Mahmud me bashkëshorten dhe shtatë fëmijë.

Pas disa orësh Rahal u afrua tek rrënojat e shtëpisë me shpresën se do ta gjejë Mahmudin me familje. Gjatë gjithë ditës nuk kishte shenja jete, por në orët e pasdites dëgjoi zërin e vajzës:

“Më nxirrni prej këtu!”

Disa metra nën grumbullin e rrënojave të betonit, kishte ngelur e shtrirë vajza pesëvjeçare e Mahmudit, Jinan, së bashku me vëllaun nëntëvjeçar Abdullah, e cila po e ngushëllente nën rrënoja. Pranë tyre, ishte nën rrënoja trupi i pajetë i nënës së tyre Suad. Rahal pa vetëm dorën e saj e cila ishte shuar në përpjekje për të përqafuar fëmijët e tyre për ti mbrojtur, shkruan The Guardian.

Rahal bëri përpjekje për ti liruar, por e kuptoi se këtë nuk e bënte dot vet. I filmoi dy fëmijët e bllokuar nën rrënoja dhe u dërgoi kolegëve të tyre policë, duke kërkuar ndihmë. Video shumë shpejtë u bë virale në rrjetin social Twitter si simbol i tragjedisë në Idlib.

“Njerëzit e mi arritën menjëherë dhe më ndihmuan ta nxjerrë Abdullahin e vogël, i cili, për fat, kishte vetëm ca gërvishje. Por, problem ishte Jinan. Ishte bllokuar nga një soletë betoni dhe hekuri i kishte shpuar këmbën,” ka rrëfyer Rahal.

Përpjekjet për shpëtim për dy ditë në Idlib, që mbetën të panjohura për botën, u rënduan për shkak të mungesës së ndihmës dhe pajisjeve, dhe njerëzit u detyruan të vazhdojnë me mundësitë e tyre ti nxjerrin të dashurit e tyre nga rrënojat, vetëm me duart e thata.

“Që ta ngritnim copën e soletës prej betoni, kemi përdor krik makine që përdoret për ndërrimin e gomës së makinës. Patëm sukses. Por, Jinan kishte këtë shufër hekuri të ngulur në këmbë. U detyruam ta prejmë. Nuk kishim zgjidhje tjetër. Rrezikuam vdekjen dhe humbjen e fëmijës. Vendosëm të bëjmë atë që nuk deshëm, nxorëm Jinan derisa këmba e saj vazhdonte të kishte shufrën e hekurit të ngulur në këmbë,” tha Omar Rahal.

Rreth orë 2:00 të mëngjesit të së martës, pas rreth 22 orëve nën gërmadha, vajza pesëvjeçare Jinan shpëtoi ndërsa fotoja e saj me të vëllaun kishte bërë xhiron e botës.