Vaksina anti-covid/ Itali, fillon testimi në njerëz, vullnetarët marrin 700 euro

Spitali në Romë Spallanzani sot filloi testimi i vaksinës anti-covid në njerëz. Nëse testimi rezulton i suksesshëm, prodhimi mund të filloj në pranverë.

Vaksinën do ta marrin 90 persona të përzgjedhur nga 3.000 vullnetarë që janë paraqitur për testim, bënë të ditur Agjencia sllovene e lajmeve, STA.

Vullnetarët, 700 euro

Pjesëmarrësi i parë në vaksinim tashmë e ka marrë vaksinën në spitalin e specializuar për sëmundje infektive.

“Mendja dhe dija e shtetit tonë punojnë për luftën botërore kundër COVID-19,” tha ministri italian i Shëndetësisë, Roberto Speranza, raporton Agjencia italiane e lajmeve Ansa. 

Në Itali, vaksinën e ka zhvilluar kompania ReiTHerame seli në Castelroman afër Romës, në bashkëpunim me kompaninë e Munchenit, Leukocare, dhe atë nga Brukseli, Univercells.

Sipas studimeve të para, ajo nxitë zhvillimin e antitrupave dhe aktivitetin e qelizave të sisemit imunitar. Për zhvillimin e vaksinës janë ndarë tetë milion euro. 

Prodhimi në pranverë?

“Neve na intereson që vaksina të jetë efektive. Nëse gjithçka shkon sipas parashikimeve, shpresojmë që prodhimi të fillojë në pranverë,” tha Drejtori i Spitalit, Francesco Vaia. 

“Vullnetari i parë i cili dje mori vaksinën do të jetë katër orë nën mbikëqyrjen e ekipit të mjekëve, e më pas do të kthehet në shtëpi dhe do të jetë nën vëzhgim 12 javë,” sqaroi Vaia duke shtuar se dy vullnetarët e radhës vaksinën do ta marrin të mërkurën, ndërsa gradualisht do ta marrin të gjithë 90 për 24 javët e ardhshme, raporton Ansa. 

Faza e dytë dhe e tretë e testimit do të kryhet në Amerikën Latine ku virusi po përhapet me shpejtësi, tha drejtori i Spitalit Spallanzani.