Vaksina Anticovid, BioNTech: Nuk do të ketë sasi të mjaftueshme!

Kompania farmaceutike gjermane BioNTech po bënë përpjekje maksimale që së bashku me partnerin amerikan Pfizer të rritë prodhimin e vaksinave kundër COVID-19, theksuan themeluesit e kompanisë duke paralajmëruar se nuk do të ketë sasi të mjaftueshme kur të fillon furnizimi me vaksinat tjera.

“Në këtë moment situata nuk është mirë, po shfaqet mungesë për shkak të miratimit të vaksinave tjera dhe na duhet ta plotësojmë këtë boshllëk,” tha Drejtori i Përgjithshëm i kompanisë, Ugur Sahin, për të përjavshmen gjermane Spiegel

Agjencia europiane e ilaçeve, EMA, duhet ta miratoj vaksinën e kompanisë Moderna më 6 Janar

Ministri gjerman i Shëndetësisë, Jens Spahn, i ka bërë thirrje EMA–s që ta miratoj shpejtë vaksinën e prodhuar nga Universiteti Oxford dhe AstraZeneca, të cilën Britania e Madhe e miratoi këtë javë. Kur do ta shqyrtoj EMA ende nuk është e qartë.

Sahin tha se vaksina e prodhuar nga BioNTech dhe Pfizer, duhet të jetë efikase edhe kundër koronavirusit të ri i cili për herë të parë u shfaq në Britani.

“Jemi duke testuar nëse vaksina jonë mund të neutralizoj koronavirusin e ri dhe së shpejti do të dimë më shumë.”

Linja e re prodhuese

SHBA ka porositur 600 milionë vaksina BioNTech/Pfizer në korrik, ndërsa BE ka pritur deri në Nëntor dhe i ka porositur vetēm 300 milionë.

“Në një moment ishte e qartë se nuk do të jetë e mundshme të bëhet aq shpejtë furnizimi me vaksina,” tha bashkëshortja e tij, Oezlem Tuereci, bashkëthemeluese e kompanisë.

“Por ishte vonë për porosi të reja.”

BioNTech shpreson se do të nis me linjën e re prodhuese në muajin prill në Marburg e cila do të mund të prodhoj 250 milionë doza në gjysmën e parë të këtij viti, tha Sahin.

Po negociohet edhe me prodhuesit e kontraktuar mbi rritjen e prodhimit e më shumë do të dihet deri në fund të muajit janar, sqaroi Drejtori i Përgjithshëm i BioNTech.

Ugur Sahin tha se BioNTech do të bëjë gjithçka që është e mundur për vaksinën e cila duhet të mbahet në -70 gradë Celsisus, të përdoret më lehtë.

Gjenerata e re e vaksinave e cila do të mund të mbahet në temperaturë më të lartë do të jetë e gatshme për prodhim deri në fund të verës së këtij viti.