Valdrin Pjetri, Rama: S’është kriminel! Basha: Jo i rangut të lartë si Edi Rama!
Pasi Edi Rama deklaroi se Valdrin Pjetri nuk është kriminel çfarëdo të ketë bërë 19 vjeç me arsyetimin spektakolar se ai ka shërbyer në administratë si nëpunës korrekt qysh në kohën e qeverisjes së PD, reagon Kryetari i Partisë Demokratike, Lulzim Basha, duke theksuar se nëse e krahasojmë me Ramën, Valdrin Pjetri është një kriminel i rangut të tretë:
“Krahasuar me Edi Ramën, Valdrin Pjetri është një kriminel i rangut të tretë, një trafikant i dënuar droge që ka fshehur të kaluarën e tij. Por është Edi Rama ai që futi në politikë dhe zyrat e shtetit dhe i bëri deputetë, kryebashkiakë e zyrtarë të lartë dhjetëra kriminelë me rekorde të tmerrshme kriminale, trafikantë, përdhunues e deri vrasës.”
Edi Rama, thekson në reagimin e tij Lulzim Basha, është kërcënim dhe rrezik për jetën dhe sigurinë e çdo familje shqiptare!
“Gjatë regjimit të tij, Shqipëria u kthye në parajsën e krimit të organizuar dhe të pastrimit të parave të pista nga trafiku i drogës dhe korrupsionit. Krimi dhe Edi Rama janë të pandashëm. Që të largojmë krimin duhet të largojmë Edi Ramën,” thekson Kryetarin i Partisë Demokratike, Lulzim Basha në reagimin e tij përmes rrjetit social shoqëruar dhe me një video”
Ja statusi i plotë:
Krahasuar me Edi Ramën, Valdrin Pjetri është një kriminel i rangut të tretë, një trafikant i dënuar droge që ka fshehur të kaluarën e tij.
Por është Edi Rama ai që futi në politikë dhe zyrat e shtetit dhe i bëri deputetë, kryebashkiakë e zyrtarë të lartë dhjetëra kriminelë me rekorde të tmerrshme kriminale, trafikantë, përdhunues e deri vrasës.
Edi Rama është kërcënim dhe rrezik për jetën dhe sigurinë e çdo familje shqiptare!
Gjatë regjimit të tij, Shqipëria u kthye në parajsën e krimit të organizuar dhe të pastrimit të parave të pista nga trafiku i drogës dhe korrupsionit.
Krimi dhe Edi Rama janë të pandashëm. Që të largojmë krimin duhet të largojmë Edi Ramën.
