Vangjush Dako i hap sytë Partisë Demokratike, blenë votat e LSI-së dhe kalon buxhetin!
Miratimi i buxhetit në bashkinë e Durrësit përveç se i ka zhbllokuar buxhetin dhe qeverisjen socialistit Vangjush Dako, i ka dhënë edhe në mesazh të qartë Partisë Demokratike së cilës i ka shkuar edhe nëpër mend të bëjë koalicion me Lëvizjen Socialiste për Integrim për zgjedhjet vendore të vitit 2019.
Pra, kjo është LSI, dhe arsyeja se pse kryetari i Bashkisë së Durrësit nuk ishte i shqetësuar për mungesën e shumicës në këshillin bashkiak, vetëm pse këtë e deklaroi Lëvizja Socialiste për Integrim. Këshilltarët e LSI-së bashkuan votat me socialistët në Këshillin Bashkiak, duke miratuar kështu buxhetin e Bashkisë së Durrësit për vitin 2019.
Por si arriti ta thyej Dako “Opozitën e Bashkuar në Durrës” edhe pa Niçen?! Partia Socialiste me 16 këshilltarë bashkiak, përkatësisht 22 gjithsejtë me aleatët, e kishte të pamundur kalimin e buxhetit, kur PD ka 14 dhe LSI poashtu 14 këshilltarë bashkiak.
Por, e pamundur do të ishte vetëm nëse LSI do të respektonte koalicionin opozitar për të cilin flet kryetarja e Lëvizjes Socialiste për Integrim, Monika Kryemadhi në të gjitha ekranet e blera televizive.
Mbrëmë buxhetin e bashkisë Durrës, Vangjush Dako e votoi me 27 vota për dhe pa praninë e 14 këshilltarëve të djathtë, duke i dhënë kështu një leksion të mirë kryetarit të PD, Lulzim Basha, mbi idenë e projektit të “Opozitës së Bashkuara” kundër Ei Ramës pa e respektuar postulatin e të madhit Pjetër Arbnori: “Këta nuk janë socialista, këta janë specialista!”
