Varianti Delta në Shqipëri, Komiteti Teknik: Nuk ka ndryshim të masave!

Pas konfirmimit të variantit Delta të koronavirusit në Shqipëri, sot Komitet Teknik i Ekspertëve foli për situatën epidemiologjike të mesditë në një konferencë urgjente, dhe pavarësisht prezencës së këtij varianti, vlerësoi se masat nuk të ndryshohen

Drejtoresha e ISHP, Albana Fico, tha se në laboratorin në Berlin ishin dërguar 21 mostra kimike, të cilat kanë rezultuar pozitive me variantin Delta.

“Ka ardhur përgjigjja nga Berlini për variantin Delta. Dua t’iu sjell në vëmendje situatën epidemiologjike në vend, që ka shënuar disa rritje në raport me incidencën, që është 10 për 100 mijë banorë, mesatarja ditore është rritur, numri total i rasteve rezulton i rritur, numri i bashkive që janë përfshirë nga rastet e reja ka shkuar në 10. Në Infektiv janë të shtruar 9 pacientë, fatmirësisht nuk kemi pasur raste fatalitetesh. Vijojnë të shtohen numrat e personave të vaksinuar me dy dozat e vaksinës.

Sa i përket variantit Delta, dyshimi ynë i arsyeshëm është konfirmuar tashmë. Dërguam 21 mostra kimike, që kanë rezultuar pozitivë. Këto mostra i kemi vënë mënjan për periudhën 1 qershor-12 korrik, kur filluam të shohim sinjalet e pazakonta. E rëndësishme është që këto mostra i kemi gjetur në qytete si Tirana, Elbasani, Shkodra, Lezha, Kavaja, Gjirokastra, Korça, Peqini, Mati dhe Vlora. E gjithë kjo përpjekje ka një vlerë të veçantë, që është vaksinimi i shoqëruar me masat që janë në fuqi dhe që duhen zbatuar nga qytetarët,” tha Dr.Fico duke përfunduar:

“Qarkullimi i këtij varianti tregon se ne nuk e kemi përfunduar situatën, ndaj duhet që personat që kanë simptoma, të karantinohen. Të gjithë ata raste që kanë nevojë për ndihmë të shpejtë mjekësore, të telefonojnë në numrin e urgjencës 127.”

Ndërkohë ekspertja e ISHP, Silva Bino, thotë se personat e prekur me variantin “Delta: ishin edhe të vaksinuar:

“6 prej rasteve kanë qenë të vaksinuar, 2 prej tyre në Mbretërinë e Bashkuar me AstraZeneca. Dy prej rasteve me një dozë Pfizer, dy raste me dy doza Coronavac. Pavarësisht kësaj, ajo çka ka rëndësi dhe është për t’u theksuar se asnjë prej rasteve nuk ka patur nevojë për kujdes spitalor. Ajo çka vihet re në botë sot, në spitale po rritet numri i të rinjve që kanë nevojë për kujdes spitalor. Duhet të jemi të kujdjesshëm të promovojnë vaksinimin e të rinjve,” tha Bino ndërsa sqaroi nëse do të jetë e nevojshme marrja e një doze të tretë të vaksinës Anticovid, siç vepruan disa vende në botë.

“Ne kemi ndjekur modelin e Turqisë, pavarësisht se kemi patur strategjinë tonë. Planifikim për një dozë të tretë, është duke u marrë në konsideratë, në bazë të të dhënave nga studime të ndryshme në botë. Testi i anticorpeve nuk është diçka që sygjerohet, nuk janë metodologji të standardizuara, mund të japin falsitete. Ju them qytetarëve të vaksinohen dhe të ruhen, mos rendin pas analizave të antikorpeve.”

Pavarësisht prezencës së variantit Delta, duke pasur parasysh situatën epidemiologjike, Komiteti Teknik vlerësoi që masat të mos ndryshohen, .

“Siç u bë i qartë, u vu re që ka një numër në rritje të rasteve. Shtrimi në spital mbetet në nivele të qëndrueshme, ajo çka është më e rëndësishme është që numri i rasteve të shtruara të sëmurëve rëndë, janë persona që s’janë vaksinuar. Rastet po rriten në komunitetin që mbeten të pavaksinuar.

Duke u mbështetur në këtë situatë, Komiteti Teknik mendon që edhe pse në Shqipëri është vërtetuar prezenca e variantit Delta mbrojtja është njësoj dhe niveli i masave nuk ndryshojnë. Masat do të jenë po të njëjta,” tha Rakacolli duke apeluar tek qytetarët që të mbajnë maskat mbrojtëse në ambientet e mbyllura, si masë për të frenuar përhapjen e pandemisë.

Albana Fico: Ajo që po ndodh tani që po flasim, bashkësia ndërkombëtare, me disa organizma, ka ofruar një kalendar për të pritur monstra që dërgohen nga vende në laboratorët e tyre. Ne kemi këtë metodologji pune, por edhe bashkësia ndërkombëtare na ka mundësuar këtë gjë. Padiskutim do të vijojë, kemi në rutinën tonë dhe për shkaktarë të tjerë, kjo do të vijojë. S’ka asgjë të re.

Mira Rakacolli: Vaksinimi dhe respektimi i masave të thjeshta që edhe sot u përfol me ndershmëri dhe regozitet. Mbrojta është njësoj si më parë, s’ka mjekim specifik.

Albana Fico: Është e vërtetë që ka qenë një rekomandim i përsëritur i komitetit. Ne gjatë këtyre muajve të gjatë jemi munduar. Nuk mund të zgjidhësh probleme duke vendosur gjoba. Ky apel i sotëm ka të bëjë me faktin që një harresë e qytetarëve duhet sjellë në vëmendje. Të gjithë jemi të përfshirë, autoritetet shëndetësore, ligjzbatuese, që kjo gjë të ndodhi. Të mos harrojmë që kjo është një histori e gjatë, me efekte psikologjike të jashtëzakonshme. Ne kemi problematika që kanë prekur shëndetin mendor. Ky është apel që të rikujtojmë që masat duhet respektuar. Mbajtja e maskave është një kuatrinom i rëndësishëm. I bëj apel të gjithëve.

Silva Bino: Sa i përket rasteve të cilët kanë shkaktuar edhe të tjera, janë 13 raste, që kanë shkaktuar vatra familjare. Kjo tregon që kemi një efektueshmëri të lartë. Kjo për shkak të rasteve që kërkuat.

Mira Rakacolli: Nga situata epidemiologjike në vend nuk na imponohen masa të tjera shtesë. Ne masat i vendosim në dinamikë, në rast të kundërt, masat do të ndryshojnë.

Në fund, Komiteti Teknik i Ekspetëve mendon se në Shqipëri nuk pritet të vendoset vaksinimi i detyrueshëm i të rinjve edhe pas konfirmimit të variantit Delta në Shqipëri, sepse sipas Zv/ministres Mira Rakacolli, nga ditët e vaksinimit masiv, është vënë re një sensibilizim i lartë mes të rinjve që kanë marrë dozën e parë të vaksinës.

“Sensibilizimi për efektin e vaksinimit nuk është vetëm i ministrisë, por i të gjithë shoqërisë. Të dhënat që ne kemi, në vaksinimin e hapur, numri i të rinjve është i mirë,” tha Rakacolli duke përfunduar:

“E kanë kulturën shëndetësore, të vaksinimit. Nuk besoj do shtrohet problemi i vaksinimit të detyruar. Sepse të rinjtë e dinë që duhet të bëjnë vaksinën.”