Varrimi i Kaçifas/ Ceremoni mortore me thirrje antishqiptare…

Me veshje ushtarake dhe i mbuluar me flamur grek, arkivoli i Kostandinos Kaçifas doli  nga banesa rreth orës 13:15 minuta.

Qindra qytetarë nga Greqia u mblodhën në fshatin Bularat, për t’i dhënë lamtumirën e fundit ekstremistit grek, 12 ditë pas vrasjes nga forcat RENEA.

Kortezhi udhëhiqej nga një flamur i madh grek.

Ndërsa thirrja e qytetarëve grek ishte “Kaçifas ti jeton, na udhëhiq”.

Nuk mungon as ofendimet dhe sharjet ndaj shqiptarëve “qentë shqiptarë”

Parullat e tjera të tyre ishin: “Vorio Epiri është Greqi dhe Maqedonia është Greqi”.

Thirrjet herë pas here ndërpriteshin nga këmbanat e kishës.

Në ceremoni nuk pati prezencë të forcave të policisë.

Të pranishëm në këtë ceremonia ishin edhe zyrtarë grekë dhe shqiptarë që përfaqësojnë minoritetet, si Spiro Ksera, Vangjel Tavo dhe Vangjel Dule. I pranishëm ishte edhe deputeti i Demokracisë së Re në Greqi Savas Anastadhiasi.

Ceremonia u ndoq me interes të madh nga mediat grekë dhe shqiptare, ku këto të fundit u diskriminuan nga familja.

Kamerat e televizioneve shqiptare nuk u lejuan për asnjë moment që t’i afroheshin banesës së Kaçifasit, raporton Ora News, pasi familjarët shpreheshin se ata nuk i njihnin mediat shqiptare, por vetëm ato greke.