Vasili-Ramës: Teatrin nuk e shembi tërmeti 6 ballësh, ja ç´duhet të bësh…

Kryetari i Grupit Parlamentar të LSI-së, Petrit Vasili, ka reaguar për Teatrin Kombëtar. Përmes një postimi në rrjet, Vasili ka një këshillë me opsion për të shembur Ministrinë e Bujqësisë, e çarë nga tërmeti dhe të ndërtojnë kulla.

Sipas tij, Teatrin nuk e rrëzoi tërmeti 6 ballësh dhe as 40 lëkundjet e mëpasshme.

Komenti i Petrit Vasilit

40 goditje tërmeti, teatri, që nuk u rrëzua dhe qeveria që abortoi këlyshin e hajdutllëkut.

Tërmeti shumë i forte rreth 6 ballë dhe rreth 40 lëkundje të tokës nuk ja dolën të shembin Teatrin Kombëtar.

Tërmeti dëmtoi për fat të keq Ministrinë e Bujqësisë, e plasariti thellë në mes fasadën e saj.

Kasandrat e qeverisë me në krye kryeministrin e ca e ca të tjerë abortuan për faqe të zezë sepse teatri nuk u shemb, nuk u rrëzua, nuk ra.

Po pa gjë nuk dolën.

Meqë godina e Ministrisë së Bujqësisë nuk u mbajt si duhet le ta shembin atë e le të bëjnë një kullë 100 katëshe që të mos humbasin asnjë lek, dhe le ta lënë rehat edhe teatrin, edhe artin edhe artistët edhe qytetarët edhe qytetin.

Edhe katet e kullave që do humbin te teatri do ti fitojnë prapë. Edhe do pushojnë se na çanë dërrasat për të na mbushur mendjen që sipas këtyre ‘teatri vërtet nuk ra por ai ra’.

Nuk ra orë nuk ra teatri është atje ku qëndron prej 70 e kusur vjetësh.

Edhe Perëndia është kundër hajduteve ndaj e çoi tërmetin për ti turpëruar këta të paturpet e qeverisë e të bashkisë.

Teatri që sipas këtyre dhe ca e ca të tjerëve do binte nga çasti në çast mbajti 40 goditje tërmeti, plot 40 goditje.

Kryeministri me gjithë bashki të shpallin tërmetin non grata, le të mbyllin edhe kisha e xhamia sepse me këtë tërmet kanë mallkuar e nxjerrë bojën vandaleve të qeverisë e të bashkisë, që vunë dorë mbi qytetin, mbi artin e tij, mbi historinë e tij, mbi vlerat e tij.