Vasili reagon ashpër: Delegacioni i BE në Tiranë, Fake Europa…
Heshtni se boll dëmtuat. Është ky reagimi që kreu i Grupit Parlamentar të LSI-së, Petrit Vasili, i ka drejtuar delegacionit të BE-së në Tiranë, pasi ky i fundit reagoi në lidhje me ligjin për Magjistraturën.
Në një postim në rrjetet sociale Vasili shprehet se “për Reformën e shkaterruar në Drejtësi ne i themi ja ujku, ndërsa BE në Tiranë na tregon gjurmët”.
Sipas Vasilit, sistemit të drejtësisë në Shqipëri i kanë prerë kokën, ndërsa BE në Tiranë na tregon thonjtë e këmbës.
“Shqipëria s’ka Gjykatë Kushtetuese dhe të Larte dhe sistemi drejtësisë është kapur nga Rilindja, ndërsa këta të BE në Tiranë na flasin për manikyrin e thonjve.
Shqiperine e mbyten paratë e pista, krimi i organizuar dhe trafiku i drogës, këta e kanë mendjen te vila “interesante” në Rolling Hills.
BE në Tiranë pushoni, jeni shndërruar thjesht në Fake Europa, Europa e vërtetë nuk është si ju”, shkruan Vasili.
Reagimi vjen pasi Delegacioni i BE në Tiranë i drejtoi një thirrje partive politike të tejkalojnë bllokimet dhe të amendojnë Ligjin, ose në një seancë të jashtëzakonshme, ose me përparësi kur Kuvendi të mblidhet përsëri në shtator.
Ligj që sipas mazhorancës do të gjithë ngërçin që është krijuar në Gjykatën Kushtetuese dhe atë të Lartë. Por opozita e cilëson këtë një tjetër kapje të drejtësisë, pasi magjistratët e rinj nuk mund të emërohen në Kushtetuese dhe në Gjykatën e Lartë.
