Vazhdon “dekontaminimi” i Bashkisë Tiranë, Anuela Ristani largon bashkëpunëtorët e Erion Veliajt

Pas shkarkimit të Sara Goxhajt dhe Alban Dokushi, Kryetarja në detyrë e Bashkisë Tiranë, Anuela Ristani, ka vazhduar me spastrimin e administratës nga zyrtarët e kontaminuar të afërt me Kryetarin nën pranga Erion Veliaj.

Mësohet se janë larguar Drejtori i Protokollit dhe Drejtoresha e Shërbimeve Mbështetëse, së bashku me një numër punonjësish të tjerë, përfshirë shoferë, sekretare dhe staf mbështetës, disa prej të cilëve kanë shërbyer në bashki për më shumë se një dekadë.

Lëvizjet e fundit në Bashkinë Tiranë vijnë në një kohë kur kreu i bashkisë, Erion Veliaj, promovon punët e bashkisë nga burgu ndërkohë që bashkëshortja e tij, Ajola Xoxa, bënë sfilatë në SPAK me rrobat që shumë shtetase shqiptare mund ti provojnë në trupin e tyre, sepse për ti blerë mund të tentojnë vetëm disa rilindase nga kryeqyteti.

Ndryshe, nuk dihet se cila është situata në Bashki sot por dy muaj më parë kur Anuela Ristani shkarkoi bashkëpunëtorët më të ngushtë të Erion Veliajt, Sara Goxhaj dhe Alban Dokushi, u shpreh se nuk ka krizë në Bashkinë Tiranë.