Vazhdon tallja socialiste me “21 Janarin”, SPAK shpall moskompetencën

Prokuroria e Posaçme kundër Korrupsionit dhe Krimit të Organizuar, SPAK, ka shpallur moskompentencë për kallëzimet e “21 Janarit” që u bënë nga Ministria e Drejtësisë dhe Partia Socialiste, duke ia kaluar për hetim këtë çështje Prokurorisë së Tiranës.

SPAK vlerëson se Prokuroria e Tiranës duhet të jetë kompetente meqë e ka trajtuar këtë çështje edhe më herët, deri sa Prokuroria e Posaçme heton raste të korrupsionit në nivele të larta, apo grupet e organizuara kriminale.

Mënyra e vetme që SPAK të hetojë këtë çështje, është vetëm në rast vërtetimi se urdhrat për vrasjen e katër protestuesve kanë ardhur nga njerëz të politikës, ashtu siç ulëritën ditë më parë, ministri i Drejtësisë Ulsi Manja dhe shefi i tij, Taulant Balla, duke tundur kallëzimet pranë SPAK për Ish-Kryeministrin Sali Berisha dhe ministrin e Brendshëm, Lulzim Basha.

Ndryshe, Partia Socialiste depozitoi në SPAK një kallëzim për vrasjet e 21 janarit pas publikimit të një audio përgjimi të ri ndërsa kreu i Grupit Parlamentar u shpreh se “bazuar në faktin që dosja penale për vrasjen e Aleks Nikës është ende në prokurorinë e Tiranës, ne nxisim SPAK ta hetojë këtë çështje.”

Kështu, tallja socialiste me “21 Janarin” vazhdon”!

S’keni parë gjë akoma!