Vazhdon të jetë i shqetësuar, Rama: Kauzë imagjinare, Marrëveshje konkrete!

Nuk është e qartë pse Kryeministri Edi Rama vazhdon të jetë i shqetësuar pse ka zëra që thonë se Marrëveshja për Reformën Zgjedhore është humbje për opozitën pëkundër hyzmeqarëve që ka aktivizuar me televizione e lapsa për ta bindur popullin opozitar se sa të fituar që janë.

“Padyshim që s’jam dakord me ata që thonë se marrëveshja e re me LB ishte një humbje për të, se gjoja hoqi dorë nga kauza dhe nuk fitoi asgjë! Jo,sepse kauza ishte imagjinare, kurse marrëveshja është konkrete – pas djegies së kohës, mandateve, bashkive është një rikthim në realitet,” thekson në reagimin e tij përmes rrjetit social Twitter edhe pse i din se kauzat ishin konkrete dhe të bazuara nga zgjedhjet e kaluara që u vjedhën dhe përdhosën dhe Marrëveshja, për mos qenë imagjinare ka si garant Shtetet e Bashkuara.

Dhe jo vetëm kaq! Sot kur Marrëveshja është bërë publike ai mund të vazhdoj me politikën në këto ditë të vështira urie dhe me shi, sepse e lumturon fakti se mbi 50 për qind e qytetarëve nuk dalin në zgjedhje sido që jetë mashtrimi i tij, ëndërr apo zhgjëndërr:

“Por marrëveshja e re ka edhe anën tjetër pozitive, që konfirmon se humbja e PD në 2017 s’kishte lidhje me marrëveshjen e parë dhe as me integritetin e zgjedhjeve, përderisa administrimi zgjedhor ekzistues mbeti kusht i panegociueshëm i LBPD, edhe në zhgjëndrrën pa qeveri teknike,” thotë ky njeri që sot për fatin e keq të shqiptarëve është Kryeministër dhe nuk jeton dot pa konflikt edhe kur vendi është i përmbytur pas vetëm 30 minutash me shi për shkak të menaxhimit të tij i keq i cili vjen me ose pa zgjedhjet e vitit 2017.