Vdekja e 4 turistëve në hotelin në Qerret, dyshohet se kishin kaluar në overdozë

Pas vdekjes së 4 turistëve rusë në saunën e një hoteli në Qerret të Kavajës, grupi hetimor ka dyshime se viktimat para se të hynin në saunë kanë konsumuar sasi të madhe kokaine, sasia e të cilës mendohet të ketë kaluar në overdozë .

Sipas burimeve nga grupi hetimor, raporton BW, viktimat para se të hynin në saunën e hotelit kanë konsumuar sasi të madhe alkooli dhe droge duke kaluar në overdozë. Hetimet do të qartësojnë në vijim edhe se çfarë lloji droge kishin konsumuar si dhe sasinë. Por, paraprakisht dyshohet të ketë qenë kokainë, sasia e të cilës mendohet të ketë kaluar në overdozë.

Ndryshe, 4 turistët rusë të cilët ndërruan jetë një ditë më parë në saunën e hotel ‘Glorias’ në Qerret të Kavajës, prej një jave po pushonin në Shqipëri.

Mësohet se 4 turistët kishin mbërritur në vendin tonë, të dielën e javës së shkuar përmes një agjencie turistike, udhëtim që do të ishte i fundit për ta. Ata kishin lidhje familjare, pasi ishin çifti i bashkëshorteve, Nataliia Burenkova, 58 vjeçe dhe Sergei Burenkov, 60 vjeç si dhe vajza e tyre Ekaterina Burenkova, 31 vjeçe dhe burri i saj, Nikita Belousov, 37 vjeç.

Bashkë me 4 familjarët, në Shqipëri ishin edhe 4 turistë të tjerë rusë.