Vdekja e Presidentit George H.W Bush, nesër në SHBA dhe Kosovë ditë zie

Presidenti i Kosovës, Hashim Thaçi ka shpallur ditë zie në shenjë nderimi për Ish-presidentin e vdekur amerikan, George H. W. Bush.

“Presidenti i Republikës së Kosovës, Hashim Thaçi, pas vdekjes së ish-Presidentit të Shteteve të Bashkuara të Amerikës, George H. W. Bush, në shenjë respekti shtetëror dhe qytetar për kontributin e tij të dhënë për lirinë e Kosovës, ditën e mërkurë (5 dhjetor 2018), e ka shpallur ditë zie shtetërore në Republikën e Kosovës.

Në ditën e zisë, flamuri shtetëror i Republikës së Kosovës do të ngrihet në gjysmështizë në të gjitha objektet shtetërore të Republikës së Kosovës, brenda dhe jashtë vendit.

Dita e mërkurë është shpallur ditë zie kombëtare edhe në Shtetet e Bashkuara të Amerikës.”

Ndryshe, pas vdekjes së George H.W Bush,  Presidenti i SHBA, Donald Trump shpalli 5 dhjetorin, ditë zie kombëtare.