Vdekja e Shëndetësisë Falas!
nga Agim Popoci
Edhe reanimatorët politikë më të zot që ka Edi Rama përreth, më në fund e pranuan se “shëndetësia falas” që ata propaganduan për të ardhur në pushtet në vitin 2013, sot është turp edhe të artikulohet.
Shqiptarët e përjetuan keq! E gjitha ndodhi gjatë këtyre ditëve kur një aktor u shtrua në spital pas një goditje në tru, dhe kjo ndjesi ishte edhe më e trishtë pasi e kuptua që “shëndetësia falas” jo që ka vdekur, por as nuk kishte lindë me ardhjen e Edi Ramës në pushtet; Dhe, jeta e një shqiptari në regjimin e këtij njeriu që asgjë të mirë nuk solli për 10 vjet qeverisje, vlen vetëm 20 mijë euro!
Kur aktori i partisë që propagandoi “shëndetësinë falas” u detyrua të përulet para miqve për të shpëtuar jetën e tij, shqiptarët e kuptuan se ata asgjë nuk do ti ndihmoj! Dhe, shqiptarët e kuptuan se Kryeministri i tyre shpërdoron lekët e buxhetit për të shpëtuar fytyrën e tij pasi aktori që i shërbeu partisë arriti t’i nënshtrohet operacionit vetëm pasi u ndihmua nga miqtë që respektoi, dhe jo nga partia e tij kriminale me në krye Edi Ramën, e cila fillimisht mbylli sytë dhe veshët për të dëgjuar emrin e pacientit të radhës që u shtrua për të vdekur në Spitalin që blen Spitale!
Për të vdekur, sepse nuk kishte asnjë kacidhe, si 98% e shqiptarëve, që nuk kanë luksin ti shtojnë buxhetit të Klodit dhe as Spitalit të tij, 20 mijë eurot e radhës, sepse QSUT është në pikë të hallit ndonëse operoi Kryeministrin nga zorra qorre!
Po, është po kjo QSUT ku u bë transplanti i parë i veshkës në Shqipërinë që nuk qeverisej nga Edi Rama, dhe sot në mungesë të fondeve e bënë Spitali që blen Spitale!
Po, kjo QSUT ku në kohën e Saliut bëhej hemodializa, por shqiptarët e kundërshtuan sepse Edi Rama premtoi e shqiptarët me gjithë aktorin e besuan, dhe pritën ditën e partisë që do ju sjellë “shëndetësinë falas”! Dhe, me “shëndëtsinë falas” u erdhi hemodializa me koncesion!
Dhe jo vetëm kaq! Ndodhë që kur shtriheni në Spitalin që blen Spitale do ti nënshtroheni hemodializës dhe këtë vendim mjekësor do ta kuptoni vetëm në faturë ndonëse jeni operuar nga aorta e zemrës!
Por, kujdes, në QSUT nuk operohesh dot në regjimin e Edi Ramës edhe kur organizmi juaj nuk respekton numrin e pacientëve që lejohen të sëmuren sipas koncesionit të sterilizimit!
Nejse, duhet të jemi dhe korrekt për të pranuar efektin që kishte “shëndetësia falas” para se të dalin shqiptarët nga oborri i QSUT! Largoi ca kioska sufllaqesh dhe kafenesh nga oborri i QSUT ndonëse ky nuk ishte halli që kishin shqiptarët me shëndetësinë, as në kohën e diktatorit komunist dhe as të malokut Sali!
Jo se shqiptarët duhet të dalin nga oborri i QSUT me “shëndetësi falas”, por, ja që vjen koronavirusi dhe Kryeministri i jep ekskluzivitetin Spitalit që blen Spitale, që të mos vizitohet nga ky armik i padukshëm! Jo që e themi ne, por ja që edhe për një shfaqje të tingujve të çuditshëm në vesh, infermierja te Spitali Francez thotë se “jemi mbyllur” me urdhër të Edi Ramës dhe vetëm Spitali i Klodit punon! Për të lehtësuar bezdisjen në vesh që të vjen në ditë korone të jep dhe këshillën shëndetësore falas: Ja, kaloni vetëm rrugën!
Do thoni ju se kjo vizitë nuk kushton 20 mijë euro! Jo, shumë larg asaj, vetëm 35 euro, një pastrim veshi dhe lutje zotit të mos rikthehesh në Spitalin që blen Spitale ku dhe koronavirusi e ka të ndaluar të futet nga regjimi i Edi Ramës!
Po, është ky Spital ku në kohën e Saliut mund të operoheshe nga ndonjë kancer, por rrezatimin nuk e bëjë dot sepse nuk kishin mjete, dhe të drejtonin në spitalin më të kompletuar që kishte Shqipëria, Hygeia!
Dhe, mos akuzoni kot, ai nuk falimentoi por e falimentuan ata që erdhën me bajrakun e “shëndetësisë falas” dhe për patericë kishin Spitalin që blen Spitale, që shqiptarët e njihnin që nga themelimi, Spitali Amerikan, ndonëse Amerikonin e kishin parafytyruar ndryshe!
Do vijnë ditë më të mira për shqiptarët, thonë ata që urrejnë pesimizmin?! Ndoshta edhe mund të ndodhë, ku i dihet!
Ndërkohë që je shqiptar i shkret dhe vazhdon e strukesh në Shqipërinë e Edi Ramës dhe ke probleme me të folurin dhe të kuptuarin, paralizë të gjysmës së fytyrës, këmbës apo dorës, probleme me shikimin, me një ose të dy sytë, dhembje koke dhe vështirësi në të ecur, lëri ëndrrat me sy hapur për “shëndetësinë falas” dhe pak rëndësi ka pse nuk të pyeti njeri nëse duhet shembur Teatri Kombëtar ose jo; Nëse mendon të jetosh, mos mendo shumë, Spitali që blen Spitale ka menduar edhe për këtë çast të zi që mund të troket në derën tënde me këtë regjim, hapi Qendrën e Stroke! Dhe, e thjeshtë fare, dera e kësaj Qendre nuk hapet me magji, të duhen shpejtë e shpejtë 20 mijë euro për pazarin e parë!
Kështu ishte dhe do të jetë deri sa ky vend do të drejtohet nga demagogjia e Edi Ramës, ndërsa shqiptarët do të vazhdojnë të struken dhe struken pa e marr guximin të hapin gojën dhe ta shikojnë në sy atë që e ka dhunuar dhe po e keqtrajton në emër të Partisë, Qeverisë dhe Sigurimit të Shtetit!
