Vdekja tragjike e dy vëllezërve në Gjermani, reagon Ambasada e Kosovës!

Pas vdekjes tragjike të dy vëllezërve në Bruckberg, ka reaguar Ambasada e Kosovës në Gjermani duke shprehur ngushëllime familjes:

“Ambasada e Republikës së Kosovës i shpreh ngushëllimet familjes Arifaj. Bashkë me Konsullatën e Përgjitshme të Kosovës në Bavari, Ambasada është duke bërë çdo gjë që familjes Arifaj t’i qëndrojmë pranë në këto çaste të vështira.”

Ndryshe, dy vëllezër nga Komuna e Deçanit, banorë në Gjermani, kanë vdekur mëngjesin e ditës së sotme pasi janë goditur nga një tren. Sipas mediave gjermane, të dy të rinjtë, njëri 13 vjeç dhe tjetri 17 vjeç, po tentonin që të kapnin trenin i cili ishte në stacion, kur u goditën nga një tren që po vinte drejt Munichut duke i shkaktuar lëndime fatale.

Kryetari i Bashkisë së Bruckberg, Rudolf Radlmeier e cilësoi rastin si ditë të zezë për komunitetin.