Vdes në traget, pasagjerët: Në tragete nuk ka staf mjekësor…

Një 58 vjeçar ka vdekur teksa po udhëtonte me tragetin e linjës Bari-Durrës, pasi kishte shfaqur probleme me shëndetin. Viktima është 58-vjeçari Isa Koni nga Maminasi.

Ngjarja  tragjike ka ndodhur në tragetin e linjës Bari-Durrës mëngjesin e sotëm, pak para se të mbërrinte në bregdetin shqiptar.

Sipas dëshmitarëve, burri është ndjerë keq në traget dhe ka kërkuar ndihmë, por nuk është i është dhënë nga stafi i tragetit. Pak minuta më pas ka ndërruar jetë.

“Ai kërkonte ndihmë i shkreti, ishte keq po në traget nuk kishte staf mjekësor”, kanë dhënë pasagjerët e tjerë të pranishëm.

Policia e Durrësit ka nisur hetimet për zbardhjen e ngjarjes. Trupi i pajetë është dërguar në morg për të zbuluar shkaqet e vdekjes së 58-vjeçarit