Veliaj humbet besimin e artistëve/ Ka humbur të drejtën të negociojë, Rama frikacak…

Erjon Veliaj, Kryebashkiak i Tiranës, ka humbur të drejtën të negociojë me artistët dhe aktorët që janë në mbrojtje të Teatrit Kombëtar, ndërsa Kryeministri Edi Rama etiketohet si frikacak që nuk ka kurajo të përballet me ta.

Deklarata është bërë nga regjizori i njohur Robert Budina, i cili në studion e News 24, tha se Rama çon Veliajn në takimet për Teatrin pasi nuk ka kurajo të përballet me artistët se i thahet pështyma.

“ Veliaj ka humbur të drejtën për të negociuar me ne. Nëse e ulim debatin te sa banjo, sa ndenjëse na duhen është banalitet. Kjo është një strategji tinzare.

Nëse teatri do bëhej, do ishte bërë me kohë. Kur Rama ngriti strategji për ta sulmuar atëherë, nuk ia arriti.
Thelbi i muhabetit është marrja e pronës. Tani Rama nuk e ka kurajon të përballet me ne se i thahet pështyma e çon Veliajn, që artin e komunikimit e ka shumë të mirë,” tha Budina.